►Rusiya mətbuatı İsveçrə prokurorluğuna istinadən Yelena Skrynnik-in adına hesabda 61 milyon dollara qədər olan pulun dondurulduğu xəbərini yayıb.
İsveçrədə hakim dairələrin Rusiyanın keçmiş Kənd Təsərrüfatı naziri Yelena Skrynnik-in nəzarət etdiyi yerli hesabları dondurduğu bildirilir. Bu addımın çirkli pulların yuyulması barədə iddialara əsasən aparılan təhqiqatın bir hissəsi olduğu qeyd edilir.
Oktyabrın 28-də Rusiya mətbuatı İsveçrə prokurorluğunun adını çəkmədiyi işçisinə istinadən xanım Skrynnik-in adına açılmış, ümumi həcmi 61 milyon dollara qədər olan hesabların dondurulduğu xəbərini yayıb.
Bildirilir ki, 2007 və 2012-ci illər arasında bu hesablara 140 milyon dollara qədər şübhəli maliyyə vəsaiti köçürülüb.
Skrynnik 2009 – 2012-ci illərdə Kənd Təsərrüfatı naziri postunu tutub. O hazırda Fransız Rivyerasında yaşayır.
Buna da bax: Fəhlələr maaş tələbilə etiraz aksiyası keçirir
Bu həftə rusiyalı prokurorlar Kənd Təsərrüfatı nazirinin keçmiş müavini Aleksei Bazhanovun nəzarət etdiyi hesablardakı təqribən 12,2 milyon dollarlıq məbləği dondurmağı İsveçrədən xahiş ediblər.
Bu müraciət Rusiyanın dövlət şirkəti olan Rosagrolizing vasitəsilə çirkli pulların yuyulduğu barədə iddialarla bağlı aparılan təhqiqatın bir hissəsi sayılır. Skrynnik nazir postna təyin olunmazdan əvəl bu şirkətin rəhbəri olub.
Rusiya mediasına müshibəsində Yelena Skrynnik İsveçrə banklarında 61 milyon dollarının olduğunu inkar edib. O, bu məbləğin dondurulduğu barədə xəbərləri “yalan” adlandırıb.
