Keçid linkləri

logo-print
2016, 02 Dekabr, Cümə, Bakı vaxtı 22:27

Suriya müxalifət fəalları İdlib şəhərinin bombardmanında onlarca dinc sakinin həlak olduğunu bildiriblər.

Suriyanın İdlib şəhərinə Rusiya tərəfindən endirildiyi düşünülən raket zərbələrindən azı 43 nəfərin həlak olduğu xəbər verilir.

Yerli müxalifətçilər xəbər veriblər ki, hava zərbələri şəhər bazarına, yaşayış evlərinə və inzibati binalara endirilib.

İdlibdəki mülki müdafiə rəsmilərinin dediyinə görə, dağınrtıların altından hələ də cəsədlər və yaralılar çıxarılır.

Rusiya hələlik bu iddialarla bağlı heç bir açıqlama verməyib.

Moskva adətən raket zərbələri ilə yalnız “terroçular”ı, ilk növbədə İslam Dövləti adlanan təşkilatın silahlılarını hədəflədiyini iddia edir.

Lakin Bashar al-Assad-a qarşı döyüşən müxalifət israr edir ki, Moskva bir qayda olaraq Qərb tərəfindən dəstəklənən anti-Assad qruplarına zərbə endirir.

Ölənlərin arasında uşaqlar var

Özünü “yerli koordinasiya komitələri” adlandıran antihökumət fəalları şəbəkəsi bildirir ki, “Rusiya bombardmanı nəticəsində 170 nəfər xəsarət alıb”. Onların məlumatına görə yaralı və ölənlərin arasında uşaqlar da var.

Antihökumət İslam üsyançılarının koalisiyası İdlibə bu ilin əvvəllərindən nəzarət edir.

İdlib şəhəri, Raqqa “İslam Dövləti” adlandırılan təşkilatın əlinə keçdikdən sonra, antihökumət qüvvələrinin nəzarətində qalan yalnız iki əyalət mərkəzindən biridir.

Buradakı antihökumət qruplaşmalarının sahil istiqamətində irəliləməsi Assad hökumətinə ciddi təhlükə yarada bilərdi.

“Hizbullah” lideri öldürülüb

Bu arada bazar günü məlum olub ki, Livanın “Hizbullah” qruplaşmasının tanınmış liderlərindən Samir Qantar Dəməşqin rayonlarından birinə İsrail aviasiyasının zərbələri zamanı öldürülüb.

“Hizbullah” Suriyada Assad qüvvələrini dəstəkləyir.

İsrail bu xəbərlərə münasibət bildirmir.

BMT Təhlükəsizlik Şurasının ötən həftə qəbul olunmuş qətnaməsində Suriya münaqişəsinin bütün tərəfləri dinc əhaliyə qarşı zorakılıqlardan çəkinməyə çağırılır.

Qətnamədə bu da vurğulanır ki, ölkənin gələcəyi barədə yalnız Suriya xalqının özü qərar verə bilər.

Günün bütün mövzuları

Şərhləri göstər

XS
SM
MD
LG