Keçid linkləri

2016, 08 Dekabr, Cümə axşamı, Bakı vaxtı 04:13

►"Diktatorlar fərqli baxışlı insanlara işgəncə verəndə da eyni arqumenti gətirirlər"

ABŞ-ın Respublikaçılar Partiyasının prezidentliyə real namizədi Donald Trumpın mübahisəli fikirləri ona qarşı çıxanların sıralarını genişləndirməkdə davam edir.

Amma, digər tərəfdən, rəy sorğularında onun reytinqi enmək bilmir.

“Trump fenomeninə” Britaniya yazıçısı, “Harri Potter” uşaq kitablarının müəllifi J.K. Rowling-in münasibəti fərqlidir.

Yazıçı “PEN America”nın mükafatını alarkən deyib ki, mötədil baxışlı liberal insan olaraq onu ən çox narahat edən məsələ alternativ fikrə dözümsüz münasibətdir.

O, müsəlmanlar haqda ziddiyyətli fikirlərinə görə Trumpı Britaniyaya buraxmağı qadağan etməyə çağıran petisiyanı yarım milyon insanın imzaladığını xatırladaraq deyib:

“Düzdür, mən cənab Trump-ın dediklərinin az qala hamısını mübahisəli fikir sayıram. Onu aqressiv və qərəzli hesab edirəm. Amma onun mənim ölkəmə səfər edib aqressivlik və qərəz nümayiş etdirmək haqqını tam dəstəkləyirəm. Onun danışmaq hüququ mənim onu qərəzli adlandırmaq haqqıma təminat verir. Onun azadlığı mənim azadlığımın təminatıdır.”

Yazıçı hesab edir ki, heç kəsə fikrinə görə qadağa qoyulmamalıdır. Alternativ fikri boğmaq, opponenti susdurmaq cəhdləri diktatorların əlinə yaxşı bəhanə vermis olar. Çünki onlar da siyasi rəqiblərini, fərqli baxışlı insanları həbsə atanda, onlara işgəncə verəndə eyni arqumenti gətirirlər.

Günün bütün mövzuları

XS
SM
MD
LG