Keçid linkləri

2016, 08 Dekabr, Cümə axşamı, Bakı vaxtı 04:36

N.Məhərrəmli: 'Ödənişli efir vaxtı qanuna uyğun ayrılmalıdır'


Nuşirəvan Məhərrəmli

Nuşirəvan Məhərrəmli

«Azərbaycanda fikir və söz azadlığı tam təmin olunur və medianın fəaliyyətinə əlverişli şərait var».

Bunu Azərbaycan Milli Teleradio və Yayım Şurasının sədri Nuşirəvan Məhərrəmli avqustun 31-i «Referendumqabağı təşviqat prosesində kütləvi informasiya vasitələrinin rolu və vəzifələri» mövzusunda keçirilən seminar-müşavirədə deyib.

N.Məhərrəmli bildirib ki, yerli telekanalların ödənişli efir vaxtı reklamla bağlı qanunvericiliyə uyğun olmalıdır: «Təşviqat prosesində ödənişli əsaslarla efirlə bağlı pozuntu aşkarlanarsa, tədbir görüləcək. Amma indiyə kimi bu məsələdə hər hansı problemlə qarşılaşmamışıq. Ümumiyyətlə, referendumda medianın üzərinə ciddi məsuliyyət düşür».

Buna da bax-Ödənişli təşviqat 'ceyran belində'

Konstitusiyaya dəyişiklərlə bağlı referendum sentyabrın 26-da keçiriləcək. Sentyabrın 3-dən isə təşviqat mərhələsi başlayır.

Referendum Aktı layihəsində Azərbaycanda birinci vitse-prezident və vitse-prezidentlər postunun yaradılması nəzərdə tutulur. Habelə, prezidentin səlahiyyət müddəti 5 ildən 7 ilə artırılır. Prezident və parlament seçkilərində yaş məhdudiyyəti aradan qaldırılır. Bütün bunlardan başqa, prezidentə parlamenti buraxmaq səlahiyyəti də verilir.

Günün bütün mövzuları

XS
SM
MD
LG