Keçid linkləri

2024, 29 Mart, Cümə, Bakı vaxtı 02:46

‘28 may’ sakinləri magistralı bağladılar


 28 May qəsəbəsi sakinləri magistral yolu bağlayıblar. 29.09.2016
28 May qəsəbəsi sakinləri magistral yolu bağlayıblar. 29.09.2016

Sentyabrın 29-da Bakı-Şamaxı yolunun 15-ci kilometrliyində yerləşən 28 May qəsəbəsinin sakinləri magistral yolu bağlayıblar.

Bu barədə AzadlıqRadiosu-na aksiya iştirakçıları xəbər veriblər. Onlar işsizlikdən şikayətçidirlər, imkansızlıqdan kommunal xərcləri ödəyə bilmədiklərini deyirlər.

Buna da bax: Sumqayıtda fəhlələr yağışda damdan yıxıldı [Video]

Aksiya iştirakçıları qəsəbədə ara yolların hələ də asfaltlanmadığını, sentyabrın 28-də yağan yağışların onlara ciddi problemlər yaratdıqlarını vurğulayırlar.

28 May qəsəbəsi sakinləri magistral yolu bağlayıblar. 29.09.2016
28 May qəsəbəsi sakinləri magistral yolu bağlayıblar. 29.09.2016

Aksiyaçılar magistral yolu 1 saata yaxın bağlı saxlayıblar və bu, Şamaxı-Bakı yolunda tıxac yaradıb.

Hadisə yerinə yol polisi və post patrul xidmətinin əməkdaşları gələrək etirazçıların bəzi tələblərinin yerinə yetirələcəyini vəd edərək yolda maşınların hərəkətini bərpa ediblər.

Yoxsulluq və səfalət içində yaşadıqlarından şikayət edən aksiya iştirakçıları Binəqədi rayon İH-dən məsul şəxslər gəlmədiyi və tələblərinin yerinə yetirilmədiyi halda yolu yenidən bağlayacaqlarını vurğulayıblar.

AzadlıqRadiosu yerli məmurların məsələyə münasibətini öyrənməyə çalışır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG