Keçid linkləri

2024, 19 Mart, çərşənbə axşamı, Bakı vaxtı 15:52

ABŞ ordusunda çəyirtkə boyda dronlar- [Video]


Foto arxiv
Foto arxiv

Pentaqon “Eşşək arısı” adlı kiçik həcmli dronları sınaqdan keçirib.

Sürü şəklində buraxılan bu dronlar hava hücumlarından müdafiə sistemləri, hərbi təyyarələr və digər hücum silahlarının məhvi üçün nəzərdə tutulur.

3D Printer aparatında buraxılan bu dronlar çox ucuz başa gəlir.

Ekspertlər hesab edir ki, hava hücumlarından müdafiə sistemlərinin bu cür dronların öhtəsindən gəlməsi çox çətin olacaq və bu sistemə qarşı yalnız müasir radioelektron silah lazımdır.

Pentaqonun ən gizli bölmələrindən olan Strateji İmkanlar İdarəsinin rəhbəri Uilyam Roperin sözlərinə görə, bu proqramın reallaşması müasir döyüşlərdə ABŞ ordusuna görünməmişüstünlük verəcək.

Bu Rusiya üçün heç də xoş xəbər deyil.

Roper deyir ki, lap alçaqdan uça bilən bu dronlardan kəşfiyyatda da istifadə etmək olar.

“Konkret hallarda nə qədər istəsən bu cür dron buraxmaq mümkündür və onlar sürü halnda olanda düşmən üzərində böyük üstünlük yaradır.

Ona görə də rəqib özünü bu dronlardan qorumaq üçün müdafiəsinə daha çox vəsait və vaxt sərf etməli olacaq.

Amma Roper dronların hazırlanmasında konkret hansı texnologiyadan istifadə edilməsi barədə bir şey deməyib.

Pentaqon rəsmisi deyir ki, bu dronları asanlıqla təyyarədən də buraxmaq mümkündür və sürü halında buraxanda F-16 və F/A-18 təyyarələrindən istifadə olunur.

Roper deyir ki, bu dronların 3D-printerində buraxılması istehsalı sürətləndirir, aparat isə daha uçuz başa gəlir.

Müəlliflər deyir ki, dronlar hədəfə minimal mümkün interval və aralarında distansiya saxlamaqla uçmalıdırlar.

Burda əsas problemlərdən biri onların bir-biri ilə toqquşmasıdır. Buna görə də toqquşmamaq üçün xüsusi komputer alqoritmlərindən istifadə edilir.

İdea müəllifləri bu planda xeyli irəli getdiklərini deyirlər.

Amma ABŞ hərbçiləri hələ ki, buraxıldığı təyyarəyə dönə bilən dron icad edə bilməyiblər və hazırda ilkin sınağın nəticələr üzərində işləyirlər.

Lazım gəlsə layihəyə düzəlişlər ediləcək.

“Qazete.Ru” yazır ki, Pentaqonun açıqladığı bu kiçik dronlar gizli istifadə üçün hazırlanan çoxlu sistemlərdən yalnız biridir.

Bu dronlara qarşı yalnız onların arasında intelektual əlaqəni poza bilən radioelektron silah effektli ola bilər.

Pilotsuz sistemlər üzrə rusiyalı ekspert Denis Fedutinov deyir ki, Rusiyanın da bir neçə belə layihəsi olub, amma hələ ki,onun ölkəsində bununla ciddi məşğul olunmur.

Ekspert deyir ki, bu cür ideyaların gerçəkləşməsinə ciddi dövlət sərmayəsi lazımdır və bunun xərci aparatın dəyərindən çox ola bilər.

Rusiyanın strategiya və texnologiyalar mərkəzinin sədr müavini Konstantin Makienko hesab edir ki, ABŞ-ın bu cür layihələrinə ciddi təlhlükə kimi baxmaq lazımdır və hərbi sahədə inqilab çox tez və qfil baş verə bilər.

O hesab edir ki, bu cür kiçik dronlarla mübarizə çox çətin olacaq və burda heç bir əks-hərəkət keçmir.

Makienkonun fikrincə bu cür dronlara qarşı yalnız onların arasında intelektual əlaqəni poza bilən radioelektron silah effektli ola bilər.

Buna da bax: Azərbaycanın olduğu deyilən kamikadze dron

Azərbaycanın olduğu deyilən kamikadze dron
Gözlə

No media source currently available

0:00 0:00:37 0:00

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG