Keçid linkləri

2024, 29 Mart, Cümə, Bakı vaxtı 00:24

'Jurnalist Pavel Sheremetin qətlinin arxasında Rusiya dura bilər'


Pavel Sheremetin öldürüldüyü yer
Pavel Sheremetin öldürüldüyü yer

“Jurnalist Pavel Sheremetin ölümü ilə nəticələnən Kiyevdəki partlayışın arxasında Rusiyanın xüsusi xidməti dura bilər”.

Bunu Kiyevdəki “ 5-ci kanal” a Ukrayna müdafiə nazirinin müşaviri Zoryan Shkiryak deyib. O bildirib ki, amansız qətllə nəticələnən hadisələrin ardıcıllığı deməyə əsas verir ki, bu terror aktının arxasında Rusiyanın xüsusi xidməti dura bilər.

Qeyd edək ki, Ukrayna, Rusiya və Belorus hökumətlərinin tənqidçisi olan tanınmış jurnalist Pavel Şeremet iyulun 20-i səhər saatlarında Kiyevdə öldürülüb.

O, yerli vaxtla saat 7:45-də “Vesti” radiosunun səhər efirinə gedərkən maşınını yolda partladılıb.

Ukrayna daxili işlər nazirinin müşaviri Zoryan Şkiryan bildirib ki, maşına 400-600 qram trotil gücündə əldədüzəltmə partlayıcı qoyulubmuş.

Polis bunun qəsdən törədilmiş qətl olduğunu deyir.

Şahidlərin sözlərinə görə partlayış maşının altında baş verib.

“O ikinci dərəcəli yolla gedirdi, amma elə bil harasa tələsirdi. Dayandanda gördü ki, əsas yolda durmuşam və sola dönməyə hazırlaşıram, bu an partlayış baş verdi”.

Ukrayna prezidenti Petro Poroshenko hərtərəfli araşdırma aparılacağını və günahkarların cəzalandırılacağını vəd edib.

Həmçinin polis bütün versiyalara baxılacağını deyir: “ Cinayət yerində olan bütün sübutları toplamaq üçün lazımi tədbirlər görülür. Cinayət yerini lazımi qaydada yoxlamaq, sonra isə istintaq aparmaq. Bütün versiyalara baxılacaq”.

44 yaşlı Pavel Şeremet Minskdə doğulub, 1997-ci ildə Belarusda 3 ay həbsdə yatıb.

2005-ci ildə həmkarları ilə siyasi “Belarusskiy partizan” saytını yaradıb ki, bu ölkədə ən çox baxılan portallardan biridir.

1998-ci ildən Moskvadakı ORT- 1-ci kanalın müxbiri, aparıcısı və informasiya şöbəsinin baş redaktoru olub.

2000-ci ildən isə kanal üçün sənədli film və xüsusi layihələr edib.

Son illər vaxtaşırı Kiyevdə olub, “Vesti” radiosu və “Ukrainskaya pravda” qəzeti ilə əməkdaşlıq edib, sonra isə 16 il əvvəl öldürülmüş jurnalist Georqi Qonkadzenin yaratdığı bu qəzetin icraçı direktoru olub.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG