Pakistanda sərnişin təyyarəsi qəzaya uğrayıb.
Rəsmilərin sözlərinə görə, qəza dekabrın 7-də Havelian şəhərinin yaxınlığında baş verib.
Pakistan hava yollarına məxsus təyyarədə 47 sərnişin və heyət üzvü olub.
Yerli hakimiyyət və agentliklər kiminsə sağ qaldığına ümid olmadığını xəbər verirlər. Meyitlər yandığından ölənlərin şəxsiyyətini müəyyən eləmək çətindir.
Şahidlərin sözlərinə görə təyyarə hələ göydə ikən yanmağa başlayıb.
Sosial şəbəkələrdə qəza yerindən görüntülər yayılıb.
Havelian şəhəri paytaxt İslamabadın 70 kilometrliyində yerləşir.
ATR-42 təyyarəsi Çitral şəhərindən İslamabada uçurmuş.
2006-cı ildə Pakistanda baş verən təyyarə qəzasında 40-dan çox adam ölüb.