Keçid linkləri

2024, 19 Mart, çərşənbə axşamı, Bakı vaxtı 10:29

Spiker: 'Elşən Musayev, əvvəla danışanda, bir az diqqətli ol...'


Spiker Oqtay Əsədov
Spiker Oqtay Əsədov

Milli Məclisin dekabrın 7-də keçirilən toplantısında turizmin inkişaf etdirilməsi mövzusu da diqqət mərkəzində olub.

Deputat: Turizm ölkənin ən yaralı yeridir

APA-nın xəbərinə görə deputatlardan Elşən Musayev deyib ki, turizm ölkənin ən yaralı yeridir.

Buna da bax:​ Bakı da dünyada məşhur turist şəhərləri siyahısında

“Turizmi bu vəziyyətdən çıxarmaq lazımdır. Turistləri ölkəyə cəlb etməliyik. Məsələn, dəfələrlə cənab prezident də AZAL-ın qiymətləri bahalaşdırması ilə bağlı iradlar səsləndirib. Biz AZAL-a dotasiya ayırırıq ki, qiymətlərdə endirim etsin. Əgər biz bunu etməsək, Azərbaycan turizm sahəsində Gürcüstandan qat-qat geri qalacaq”, deputat bildirib.

Oqtay Əsədov: Bu nə sözdür?

Ancaq E.Musayevin fikirləri spiker Oqtay Əsədovun sərt reaksiyası ilə qarşılaşıb.

Buna da bax:​ Azərbaycanda yeni 'Turizm qanunu'nun qəbulu gözlənir

“Elşən Musayev, əvvəla danışanda, bir az diqqətli ol. Necə yəni, ölkədə turizm inkişaf etməyib?!”, deyən spiker deputatı diqqətli olmağa çağırıb.

“Deyirsən ki, Azərbaycan Gürcüstandan geri qalar. Bu nə sözdür? Azərbaycanda turizmin inkişafı başqa sözdür, turizmin daha da inkişaf etdirilməsinə mane olan amillər başqa sözdür. Azərbaycanda bu il regionlarda turist əlindən tərpənmək olmurdu. Görmürdünüz bunları?! Gürcüstan Azərbaycanın bir əyaləti boydadır, necə yəni onlardan geri qalacağıq?!”, spiker vurğulayıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG