Azərbaycan Milli Televiziya və Radio Şurası İctimai Televiziya və Radio Yayımları Şirkətini məhkəməyə verib.
Şura İTV-də yayımlanan “Qarabağnamə” çoxseriyalı bədii televiziya filminə ayrılan vəsaitin geri qaytarılması tələbi ilə 1 saylı Bakı İnzibati-İqtisad Məhkəməsinə müraciət edib.
Məhkəmə Şuranın iddiasını təmin edib.
Bu qərarla razılaşmayan İTV isə apellyasiya şikayəti verib.
APA-nın məlumatına görə, çəkişməyə səbəb İTV-nin "Qarabağnamə" televiziya filmini yarımçıq dayandırması olub və Şura buna görə məhkəməyə üz tutmalı olub.
Məlumata görə, prezident İlham Əliyev 2011-ci ildə milli teleseriallar və televiziya filmlərinin çəkilməsi üçün televiziya kanallarına dövlət büdcəsindən 5 milyon manat vəsait ayrıb.
Həmin vaxt “Qarabağnamə” serialının çəkilişinə 100 min manat vəsait sərf olunacağı bildirilirdi.
