ANS Şirkətlər Qrupunun vitse-prezidenti, telejurnalist Mirşahin Ağayev Türkiyədə əməliyyat olunub.
Bu haqda ANS-in prezidenti Vahid Mustafayev xəbər paylaşıb.
V.Mustafayev Mirşahinin Ağayevin müalicə məqsədi ilə ölkəni 5 gün öncə, noyabrın 17-də tərk etdiyini qeyd edib.
“Müayinə və əməliyyat səbəbi ilə Türkiyəyə, qardaş ölkəyə gedib, heç bir təhlükə-filan yoxdur, əməliyyatı uğurlu olub, bərpa prosesindədir”, yazan V.Mustafayev Mirşahin Ağayevin əməliyyatının detalları ilə bağlı açıqlama verməyib. .
“Mirşahinin ətrafında bu qədər ajiotaj yaranmasına da təəccüblənirəm. ANS bağlananda belə hay-küy olmamışdi. Nə olub ki? Nə fövqəladə hadisə baş verib ki?”, ANS-in prezidenti sual edib.
O, Mirşahin Ağayevin şəxsi video müraciətini da səhifəsində paylaşıb.
Buna da bax: ANS binadan çıxarılır
XATIRLATMA
ANS-in Milli Elmlər Akademiyasının Zoologiya İnstitutunun binasından çıxarılması barədə də xəbərlər yayılıb.
Zoologiya İnstitutunun direktoru Elman Yusifov sözügedən binanın ANS-in yerləşdiyi sahələrinin Zoologiya İnstitutuna qaytarılmasına start verildiyini açıqlayıb. O deyib ki, ANS-lə yeni icarə müqaviləsi bağlanmayıb.
Milli Televiziya və Radio Şurası (MTRŞ) bu il iyulun 18-də «ANS Müstəqil Yayım və Media» Şirkətinin yayımının dayandırılması barədə qərar qəbul edib.
İyulun 29-da da Bakı Apelyasiya Məhkəməsində Ülvi Mayılovun sədrlik etdiyi hakimlər kollegiyası da bu barədə qərar çıxarıb.
Buna da bax: Mirşahin: 'Bizi nə Fətulla, nə Mətulla maraqlandırmır' (Video)
MTRŞ həmçinin, ANS-ÇM radiosunun lisenziyasını ləğv edib.
Bütün bunlar bu il iyunun 15-də Türkiyədə dövlət çevrilişinə cəhd zamanı ANS-in hadisələri işıqlandırması və televiziyanın müxbirinin həmin hadisələri təşkil etməkdə günahlandırılan Fethullah Gülen-in mətbuat konfransında iştirakından sonra baş verib.
ANS rəhbərliyi isə həmin hadisələrdən sonra üzr istəsə də, məhkəmə müstəvisində bu qərarla mübarizəyə başlayıb. Ancaq ANS, hələ ki, yerli məhkəmələrdə bir-birinin ardınca uduzmaqda davam edir.
ANS 1991-ci il noyabrın 26-dan fəaliyyət göstərirdi.
Buna da bax: