Keçid linkləri

2016, 05 Dekabr, Bazar ertəsi, Bakı vaxtı 06:36

-

Slovakiyanın baş naziri Robert Fico Avropa İttifaqının miqrasiya siyasətini "ritual sui-qəsdi" adlandırıb.

"Əgər Avropa sərhəd və sahil mühafizə xidmətini yalnız 2016-cı ilin sonunda, yaxud 2017-ci ildə yaratsa onda Avropa İttifaqı özü özünü öldürmüş olacaq," -deyə baş nazir qeyd edib.

Baş nazir Çexiyanın "Pravo" qəzetinə müsahibəsində deyib ki, qaçqınların Avropa İttifaqı ölkələrində yerləşdirilməsi ilə bağlı məcburi kvota sistemi tam fiaskodur, çünki miqrantları, xüsusən də Yaxın Şərq ölkələrindən gələnləri slovak cəmiyyətinə inteqrasiya etmək qeyri-mümkündür.

Onun sözlərinə görə, Avropa kvota məsələsini müzakirə edənə qədər hər gün minlərlə miqrant Avropaya gəlir:

"Əgər müvəqqəti, yaxud daimi kvotalar əsasında kimsə bizi adətləri və dini tamamilə fərqli, çoxu da cavanlar olan 50 min insanı qəbul etməyə məcbur etsə, mən təsəvvür edə bilmirəm ki, biz onları necə inteqrasiya edə bilərik. Biz bunu edə bilmərik," - deyə baş nazir bildirib:

"Onlar öz qapalı mühitlərində qalacaq, orada öz qaydaları ilə yaşayacaqlar. Bax elə buna görə də mən deyirəm ki, bu ideya yanlış və davamsızdır."

Vişeqrad qrupu ölkələri - Macarıstan, Polşa, Slovakiya və Çexiyanın daxili işlər nazirlərinin yanvarın 19-da baş tutmuş görüşündə nazirlər Avropa Komissiyasının qaçqınların Aİ ölkələri arasında bölüşdürülməsi üçün daimi mexanizmlər yaratmaq planlarına qarşı çıxmışdılar.

Günün bütün mövzuları

Şərhləri göstər

XS
SM
MD
LG