Azərbaycan Dövlət Miqrasiya Xidməti 2016-cı ilin sentyabrına olan məlumata görə ölkədə 2908 qanunsuz yaşayan xarici miqrant aşkar edib.
Onlardan 2109 nəfəri ölkədən deportasiya edilib. Daha 202 əcnəbi cərimələnib, lakin ölkədə qalmaları leqallaşdırılıb.
Bu arada Avropa İttifaqının nümayəndə heyəti Azərbaycanda miqrasiya sahəsində danışqılar aparıb. Avropalıları ilk növbədə Azərbaycanın Avropa İttifaqı ilə birlikdə imzaladığı hərəkət planına nə dərəcədə riayət etməsi maraqlandırırdı.
Miqrasiya məsələləri üzrə ekspert Məhərrəm Zülfüqarlı deyir ki, Azərbaycanda miqrantlarla bağlı Avropanın hərəkət planı olmadan da qanunvericiliyikdə kifayət qədər sənədlər var.
Amma nəzərə almaq lazımdır ki, Azərbaycanda 1 milyondan artıq qaçqın və məcburi köçkün var. Başqa ölkədən miqrant qəbul edilməsi hələ Azərbaycanın imkanları xaricindədir:
Dövlət Miqrasiya Xidməti yanında İctimai Şuranın sədri Azər Allahverənov da Azərbaycanın Dağlıq Qarabağ problemini önə çəkir. Onun sözlərinə görə, hökumət hazırda 1 milyondan artıq qaçqın və məcburi köçkünün, başqa sözlərlə miqrantın problemi ilə məşğuldur.
Azər Allahverənov bildirir ki, Azərbaycanın bu sahədə kifayət qədər təcrübəsi var. Yaxşı olardı ki, Avropa Azərbaycanın təcrübəsindən və bu problemlərin həlli modelindən yararlansın:
Azərbaycan Miqrasiya Mərkəzi İctimai Birliyinin sədri Pərviz Əliyev isə bildirir ki, Azərbaycanda miqrantlarla bağlı problem kifayət qədərdir.
Ekspert deyir ki,Azərbaycanda qaçqın statusu demək olar, heç kimə verilmir. Bu il ərzində Dövlət Miqrasiya Xidməti cəmi 2 ailəyə qaçqın statusu verib: