Keçid linkləri

logo-print
2016, 04 Dekabr, bazar, Bakı vaxtı 16:26

►Valyutanı əvvəllər rəsmi məzənnədən 2 faiz kənara çıxmaqla satmaq olardı, amma indi bu, 4 faiz oldu

Azərbaycan Mərkəzi Bankı (MB) valyutanın satış məzənnəsinin alış məzənnəsindən kənarlaşma həddi ilə bağlı banklara məktub göndərib.

"APA”-nın məlumatına görə, məktubda bankların 4 faizlik kənarlaşma həddinə əməl etmələri tələb olunur. Əvvəllər bu limit 2 faiz səviyyəsində idi.

Başqa sözlə, banklar xarici valyutanın alqı-satqısı zamanı MB-nin müəyyənləşdirdiyi rəsmi məzənnədən 4% qırağa çıxa bilər.

MB ötən ilin dekabrın 21-də qəbul etdiyi qərarla “üzən məzənnə” rejiminə keçdiyini açıqlayıb. Beləcə, 2-ci devalvasiyadan sonra məzənnənin hər gün elan edilməsi yeni rejimin “üzən-tənzimlənən” olduğunu aydınlaşdırdı.

Buna da bax: AZAL-ın sərnişinləri ona zərər vururmuş...

Təcrübədə 3 məzənnə rejimi var: 1. Üzən; 2. Üzən-tənzimlənən; 3. Təsbit edilmiş.

Üzən-tənzimlənən rejimdə də məzənnə, əsasən, tələb-təklifə görə müəyyənləşdirilir, amma kəskin dalğalanmaları önləmək üçün MB daha fəal çalışmağa məcbur olur. Son devalvasiya qərarından sonra alış və satış məzənnələri arasındakı maksimum kənarlaşmanın 2 faiz həddində qalıb-qalmayacağı sual doğururdu. MB bu məsələyə aydınlıq gətirməmişdi. Ancaq son günlər valyuta dəyişmə məntəqələrində alışla satış arasındakı fərq göstərdi ki, 2 faizlik kənarlaşma qərarı qüvvədən düşüb.

MB-nin yeni qərarı da suallar doğurur: Banklar bunu icra etməyə məcburdurmu? Kənarlaşma dərəcəsi varsa, buna necə “üzən məzənnə” demək olar? Və s.

Normativ xarakter daşımadığı üçün banklar MB-nin qərarına əməl etməyə də bilər.

"Qara bazar tüğyan edəcək"

İqtisadçı ekspert Natiq Cəfərlinin fikrincə, indi də 4 faizlik kənarlaşma limitinin tətbiqi “üzən məzənə” rejiminin Azərbaycanda işləmədiyini göstərir:

“Məzənnənin həmişə inzibati yolla təyin edildiyi bir daha sübut olundu”.

Ekspertin sözlərinə görə, indən belə halın başvermə ehtimalı yüksəkdir:

“Ya MB məzənnəni bugünkü reallığa uyğunlaşdıracaq, çünki dollara tələbat çoxalıb. Ya da ölkədə “qara bazar” tüğyan edəcək və rəsmi məzənnə ilə real məzənnə arasında fərq yaranacaq”.

Günün bütün mövzuları

Şərhləri göstər

XS
SM
MD
LG