Keçid linkləri

2024, 29 Mart, Cümə, Bakı vaxtı 14:11

Manatın dövriyyəyə buraxılmasından 24 il keçir


Azərbaycan manatı dövriyyəyə buraxılarkən
Azərbaycan manatı dövriyyəyə buraxılarkən

Bu gün, avqustun 15-də Azərbaycanın milli valyutası - manatın dövriyyəyə buraxılmasından 24 il keçir.

"Report"un məlumatına görə, keçmiş prezident Əbülfəz Elçibəy 1992-ci il iyulun 15-də “Milli valyutanın dövriyyəyə buraxılması haqqında” fərman imzalayıb.

1992-ci il avqustun 15-də 1, 10 , 250 manatlıq əsginaslar, noyabrında 5, 10, 20, 50 qəpiklik sikkələr, dekabrında da 5 manatlıq əsginaslar dövriyəyə buraxılıb.

1993-cü ilin martında da insanlar 50, 100, 500 və 1 000 manatlıq əsginaslarla tanış olublar. Azərbaycanın ilk pulları Fransa Mərkəzi Bankında hazırlanıb.

Manatın dəyərli günləri...

1992-ci ilin avqustundan 1994-cü ilin yanvarına qədər Azərbaycan ərazisində 1 manat 10 rubla bərabər olub. Üstəlik, hər iki valyutadan istifadə edilib.

Buna da bax: Hər şey yaxşı olmayacaq

Prezident Heydər Əliyev 1993-cü il dekabrın 11-də “Milli valyutanın respublika ərazisində yeganə ödəniş vasitəsi elan olunması haqqında” fərman verib. Bununla da Milli Bank müstəqil pul və məzənnə siyasəti həyata keçirməyə başlayıb.

Hiperinflyasiya

Ancaq, o vaxt manat xarici valyutalara nisbətdə sürətlə ucuzlaşırdı. Əgər, 1994-cü ilin əvvəlində Azərbaycanda 1 ABŞ dolları 118 manata bərabər idisə, bir il sonra bu nisbət 4182 manata qalxıb.

Buna da bax: «Qeyri-peşəkarlıq və korrupsiya Azərbaycan bank sisteminin atributlarıdır»

Azərbaycan milli valyutasının qəpikləri
Azərbaycan milli valyutasının qəpikləri

1994-cü ildə Almaniyanın “Giesecke & Devrient” şirkəti 10 000 manatlıq, 1996-cı ildə isə İngiltərənin “De La Rue” şirkəti 50 000 manatlıq əsginaslar çap edilərək dövriyyəyə buraxılıb. Sonuncu həm də 2001-ci ildə 1 000 manatlıq əsginasın yeni dizaynda hazırlanmasını həyata keçirib.

2005-ci il fevralın 7-də prezident İlham Əliyev “Pul nişanlarının nominal dəyərinin və qiymətlər miqyasının dəyişdirilməsi (denominasiyası) haqqında” fərman imzalayıb. Fərmana uyğun olaraq, 2006-cı il yanvarın 1-dən etibarən Azərbaycan ərazisində yeni manatdan istifadə edilməsinə başlanıb. Bu zaman 1 yeni manat 5 000 köhnə manata bərabər tutulub və bir il hər iki əskinaz qüvvədə olub.

Buna da bax: İlham Əliyev «atasından qalma mirasın girovudur»

2007-ci il yanvarın 1-dən isə tamamilə yeni manata keçilib.

Sonrakı illər neftin yenidən bahalaşması manatın məzənnəsinə də təsir edib. Nəticədə bir dollar 78 qəpiyə bərabər olub.

Son iki devalvasiya

Buna da bax: Maliyyə Nazirliyinin «sakitləşdirici həb»i…

Ancaq 2015-ci ildə baş verən iki devalvasiya manatı bir xeyli dəyərdən salıb. Bir dollar birinci devalvasiyada, 1 manat 5 qəpik, ikinci devalvasiyada isə 1 manat 55 qəpik səviyyəsinə yüksəlib. Son aylar manat tədricən dəyər itirməkdədir. Hazırda bir dollar bir manat 62 qəpiyə bərabərdir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG