Keçid linkləri

2016, 08 Dekabr, Cümə axşamı, Bakı vaxtı 08:33

«Azərbaycan milli valyutasının üzərində Heydər Əliyevin şəkli olmalıdır».

APA-nın məlumatına görə, bu təklifi deputat Siyavuş Novruzov parlamentin oktyabrın 14-də keçirilən iclasında səsləndirib.

O qeyd edib ki, Türkiyədə də milli valyutanın üzərində Atatürkün şəkli var: «ABŞ-ın milli valyutasında da var. Rusiyada bütün çarların adına pullar buraxılıb. Mən tərəfdarı deyiləm ki, kimsə onun imzasını maşının üzərinə vurub gəzdirsin. Amma milli valyutamızın üzərində olmalıdır».

Azərbaycan manatı 1992-ci il avqustun 15-də dövriyyəyə buraxılıb. Manatın ilk eskizlərinin müəllifi Eldar Mikayılzadə olub.

Prezident İlham Əliyevin 2005-ci ilin fevralında «Pul nişanlarının nominal dəyərinin və qiymətlər miqyasının dəyişdirilməsi (denominasiyası) haqqında» imzalanmış fərmana uyğun olaraq, 2006-cı ilin yanvarından etibarən yeni nəsil pul nişanları dövriyyəyə buraxılıb.

Manat 120x70 mm ölçüdə olan xüsusi kağızda çap olunur. Əskinazın üz tərəfində Azərbaycanın milli musiqi alətlərinin – tar, kamança və dəfin qrafik təsvirləri verilir. Arxa fonda isə qədim Azərbaycan xalçasının naxışları var. Əskinazın arxa tərəfində Azərbaycanın Avropaya inteqrasiyasının xəritələrlə təsviri və milli ornamentlər əks olunub.

Günün bütün mövzuları

Şərhləri göstər

XS
SM
MD
LG