Keçid linkləri

2016, 08 Dekabr, Cümə axşamı, Bakı vaxtı 08:33

45 ailə yaşayan Davradibi: Çatlar evlərə çatıb...


Lerik. Davradibi. Sürüşmə çatları evlərə çatıb. Noy.2016

Lerik. Davradibi. Sürüşmə çatları evlərə çatıb. Noy.2016

Davradibi – Lerik rayonunun Tikəbənd inzibati ərazi vahidliyinə daxil olan təqribən 45 ailəlik bir kənddir. Son vaxtlar aramsız yağış Peştəsər silsiləsinin ətəyindəki bu kəndə xeyli zərər vurub. Əsasən də kənddə torpaq sürüşməsi aktivləşib. Bir neçə ev təhlükə altına düşüb.

Buna da bax:​ Zığda 100-dən çox ev təhlükədə

45 EVDƏN 5-İ SÜRÜŞÜB

Kənd sakini Elçin Ağayev AzadlıqRadiosu-na danışır ki, gözdən-könüldən uzaq Davradibində torpaq sürüşməsi oktyabrın 18-dən aktivləşib:

“Kəndimizdəki durum haqqında heç yerdə yazılmır, heç bir tədbir görülmür. Halbuki, son günlər sürüşən məkanlardan biri də elə bizim kənddir. 45 evdən azı 5-i sürüşməyə məruz qalıb, qəzalı vəziyyətə düşüb. Şəxsən mənim evimdə bu dəqiqə yaşamaq təhlükəlidir”.

Kənd sakininin sözlərinə görə, leysanlardan sonra həyəti su basıb, torpaq cadar-cadar olaraq aralanıb, ev əyilib. Həyətdə təqribən 200 metr uzunluğunda dərin yarıqlar əmələ gəlib. Bu yarıqlar getdikcə artır. Bir az da belə davam etsə, onsuz da acınacaqlı olan durum daha da ağırlaşacaq.

Buna da bax:​ Sürüşməyə görə 7 ailə köçürülüb

7 NƏFƏR BİROTAQLI EVDƏ QALIR

Lerik. Davradibi. Sürüşmə çatları evlərə çatıb. Noy.2016

Lerik. Davradibi. Sürüşmə çatları evlərə çatıb. Noy.2016

Dağılmaq təhlükəsi ilə üz-üzə qalan birotaqlı evdə 7 nəfər – özü, iki azyaşlı övladı, iki xəstə bacısı, anası və həyat yoldaşı yaşayır. Elçin dərdini kimə desin, bilmir. Onun sözlərinə görə, 3 gün əvvəl Ekologiya və Təbii Sərvətlər nazirliyinin nümayəndələri gələrək qeydlər aparıblar və ərazidəki durumla bağlı yerli icra hakimiyyətini məlumatlandıracaqlarını deyiblər.

Lerik rayon icra hakimiyyətindən “Qaynar xətt”ə bildiriblər ki, Davradibi kəndindəki vəziyyətlə bağlı Ekologiya və Təbii Sərvətlər Nazirliyinin rəyini gözləyirlər. “Qurum və Fövqəladə Hallar Nazirliyinin regional şöbəsi həmin rəyə uyğun addımlar atacaq”, – deyə qeyd ediblər.

Buna da bax:​

Siz də şikayətinizi buradan göndərə bilərsiz

ƏLAQƏ ÜÇÜN

nömrəmiz (+420) 778 711 700

Çəkdiklərinizi, eləcə də şikaylətlərinizi bizə WhatsApp-dan başqa,

Şərhləri göstər

XS
SM
MD
LG