Keçid linkləri

2016, 08 Dekabr, Cümə axşamı, Bakı vaxtı 22:28

►Rusiyanın keçmiş maliyyə naziri rublun çökməsini ölkə üçün biabırçılıq adlandırıb

Sankt-Peterburqda keçirilən beynəlxalq iqtisadi forumda çıxış edən Rusiyanın keçmiş maliyyə naziri Aleksey Kudrin deyib ki, rublun ikiqat devalvasiyası həm dövlət, həm də hökumətin iqtisadi siyasətinə cavabdeh qurunmlar üçün rüsvayçılıqdır.

"Bu o deməkdir ki, biz biznes üçün, texnologiyanın idxalı, və ixracat üçün stabil şərait yarada bilmirik... Ona görə də biz elə şərait yaratmalıyıq ki, irəlidə daha valyutanın belə çökməsi baş verməsin. Daxili bazarda neft gəlirlərindən asılılığı artırmamaq lazımdır," deyə keçmiş maliyyə naziri bildirib.

Neft qiymətlərinin ölkənin maliyyə və iqtisadi vəziyyətinə təsiri məsələsindən danışan Kudrin deyib ki, "neft ölkələri qiymətləri 40 - 50 dollar civarında saxlayacaqlar."

"Bu onlar üçün çox sərfəlidir. Ancaq onlar üçün 25 dollar da sərfəlidir - söhbət də ondan gedir. Rusiyada (neft hasilatının) maya dəyəri 4 - 6 dollardır, Səudiyyə Ərəbistanında isə 3 - 4 dollardır," deyə Kudrin qeyd edib.

"Bir çox OPEC ölkələri hesab edirlər ki, son 15 ilin neft qiymətlərinin qaldırılması siyasəti səhv idi. Çünki bir barrelin qiyməti 50-60 dollara qalxanda alternativ və bərpa oluna bilən enerji mənbələrinin işlənməsi mümkün oldu və bu sahələr daha rentabelli oldu. Bunun sayəsində yeni sahələrə investisiya qoyuluşları dövrü başladı" deyə o əlavə edib.

Kudrin qeyd edib ki, artıq vaxtı yetişmiş iqtisadi islahatların aparılması üçün müvafiq institutların yaradılması lazımdır. O deyib ki, bu gün Rusiyada bu institutlar zəif işləyir.

DİNLƏ: Günün əsas hadisələri Azadlıq Radiosunda (17 iyun)

Azərbaycanda tabu mövzular
“Sayt yaratmışam deyə ata-anama təzyiq edirlər”

BAX: Günün əsas hadisələri Azadlıq Radiosunun TV proqramında (17 iyun)

Yarış başladı, qazananlar və itirənlər

Günün bütün mövzuları

Şərhləri göstər

XS
SM
MD
LG