Azərbaycan İstanbulda keçirilən Beynəlxalq Kitab Sərgisində iştirak edəcək.
Mədəniyyət və Turizm Nazirliyinin yaydığı xəbərə görə, noyabrın 7-dən 10-dək keçiriləcək sərgiyə Mədəniyyət və Turizm Nazirliyinin təşkilatçılığı ilə nümayəndə heyəti qatılacaq.
Sərgi günlərində nazirlik tərəfindən nəşr edilən kitabların təqdimatı və imza mərasimlərinin keçirilməsi planlaşdırılır.
34 illik yaşı olan sərgidə Avropanın ən böyük ölkələrinin dövlət və özəl nəşriyyatları ilə yanaşı Amerika, Kanada, Yaponiya, Çin, Koreya, Səudiyyə Ərəbistanı, Hindistan və s.-dən 500-ə yaxın təşkilat iştirak edəcək.
Azərbaycan hər il bu sərgidə xüsusi ekspozisiya ilə təmsil olunur.
Bu il də nazirlik 50 kv.m. sahəni icarəyə götürüb.