Keçid linkləri

2024, 29 Mart, Cümə, Bakı vaxtı 14:17

Azərbaycandan Avropaya cavab: "Çirkin oyun..."


Thorbjoern Jagland
Thorbjoern Jagland

İnsan haqları üzrə Birgə İşçi Qrup Avropa Şurasının Baş katibi Thorbjoern Jagland nümayəndəsini geri çağırmasına cavab olaraq bəyanat yayıb.

Bəyanatda qeyd edilir ki, 2005-ci ildə hüquq müdafiəçiləri və hakimiyyət nümayəndələrindən ibarət birgə işçi qrup yaradıldı və insan haqlarının müdafiəsi hakimiyyətlə əməkdaşlıq çərçivəsində həll edildi.

Amma Azərbaycana qarşı olan qüvvələr, o cümlədən Avropa Şurasındakı bəzi dairələr ölkədə vətəndaş cəmiyyəti ilə hökumət arasında dialoqun qarşısını almağa səy göstərdi.

Sənəddə bildirilir ki, işçi qrup Avropa Şurasını dialoqa mane olmamağa çağırdıı, amma AŞ-ın qərəzli yanaşması nəticəsində 2008-ci ildə qrupun fəaliyyəti dayandırıldı.

Bəyanatda qrupun fəaliyyəti dövründə 150-yə yaxın məhkumun azad edildiyi vurğulanır.

Bəyanatda daha sonra deyilir ki, AŞ-ın baş katibi T.Jagland 2014-cü ildə prezident İlham Əliyevə müraciət etdikdən sonra qrupun fəaliyyəti bərpa olundu və qısa vaxtda insan haqları təşkilatlarının siyahılarında qeyd olunan 16 nəfər azad edildi, 1 nəfərinsə cəzası azaldıldı.

Bəyanat müəllifləri belə bir halda Avropa Şurasının baş katibi Jaglandın bu addımının təəccüb və təəssüf doğurduğunu bildirir”

“Hesab edirik ki, anti-Azərbaycan qüvvələrin təkidi və təsiri nəticəsində Jaglandın qəbul etdiyi bu əsassız qərar yalnız Avropa Şurasının nüfuzuna xələl gətirir”, -deyə bəyanatda bildirilir.

Son olaraq, İşçi qrup “anti-Azərbaycan qüvvələri çirkin oyunlarına son qoymağa çağırıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG