AzadlıqRadiosu “Klassiklərimizi tanıyaq və tanıtdıraq” silsiləsindən doğuluşunun 141-ci ildönümündə bir daha “Qaraca qız”, “Qorxulu nağıllar” müəllifinin izinə düşür
1875-ci ilin oktyabrında Şuşada doğuldu.
Elə körpəlikdəncə yetim qaldı…
Amma xoşbəxtlikdən yanında onu sevən anası, bir də gələcəkdə Azərbaycanın ən böyük maarifçilərindən sayılacaq dayısı vardı…
Qori Müəllimlər Seminariyasını bitirib orda müəllim saxlanan dayı - SəfərəlibəyVəlibəyov, bacısına kömək üçün onun iki uşağını da Qoriyə aparıb, seminariyaya qoydu.
Beləcə, gələcəyin böyük yazıçısı Qoridə təhsil almağa başladı.
- Süleymanın təhsil illəri necə keçdi?
- O, nədən “Sani” təxəllüsünü seçdi?
- Qori seminariyasındakı xasiyyətnaməsi Süleymanı necə tanıdırdı?
- Az qala, əfsanəyə çevrilmiş intihar olayı necə baş verdi?
- Ona hansı ad - “böyük müəllim”, yoxsa “böyük yazıçı” adı daha çox yaraşır?
- Sarsıdıcı dəyişikliklərlə dolu dövrdə -X1X əsrin sonu, XX əsrin əvvəllərində 2-ci Axundov necə yaşadı?
- Uşağlığımızın sevimli nağılları -“Qorxulu nağıllar”, “Qaraca qız” necə yazıldı?
--Və nəhayət, 20-ci illərin bolşevik qırğınları, 30-cu illərin, ilk növbədə, ziyalıları əzib-məhv edən repressiyaları nə əcəb ondan yan keçdi?
Bu sualların cavabı oktyabrın 30-da saat 23-də AzadlıqRadiosunun Süleyman Sani Axundova həsr olunmuş “İkinci Axundov” radiodastanında.
Verilişin bələdçiləri ədəbiyyatşünas alimlər Nəzakət Qafqazlı və Alxan Bayramoğlu-dur.
Klassiklərimizi daha yaxından tanıyaq.
Bu “İz”i itirməyin.
