Keçid linkləri

2024, 29 Mart, Cümə, Bakı vaxtı 09:08

Bəsti Əlibəyli. Candan yuxarı sevgilərin cocuğuna


-

Candan yuxarı sevgilərin cocuğuna

Adı-soyadı, nam-nişanı
bəlli olmayan övladım!
Sevgi, ümid, şəfqət adlı
bəlli miras qoydum sənə;
Mən onu ömür uzunu
canımda daşıdım,
sən də daşı!

Adı-soyadı, nam-nişanı
bəlli olmayan övladım!
Sən şirmayı bulud köçündə
Tanrıyla şərbət içəndə
doğuldun.
Xəmirin şimşəkdən,
yağmurdan yoğruldu.
Onda hələ sevgilər
qurşağa enməmişdi,
Onda hələ cocuqlar
ortağa dönməmişdi...

Adı-soyadı, nam-nişanı
bəlli olmayan övladım!
Bir gün əslini arasan, bil;
Mən bir az Musa,
bir az İsa,
bir az Məhəmməddim.
Bir az sevgi,
bir az şəfqət,
bir az mərhəmətdim.
İndi bütün Elçilər qırılmış,
bütün sevgilər,
şəfqətlər yox olmuş...
Adı-soyadı, nam-nişanı
bəlli olmayan övladım!
Məni bəlli şeylərdə arama,
çünki anlatdığım şeylər
indi qərib, qurama.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG