-
Ermənistan hökuməti Meğridə İranla azad iqtisadi zonasın yaradılması üzərində intensiv işləyir.
Bu barədə məlumat verən Ermənistanın iqtisadiyyat naziri Artsvik Minasyan azad iqtisadi zonanın nə zaman fəaliyyətə başlayacağını deməyə çətinlik çəkib.
"İranla azad iqtisadi zonanın qurulması, özəlliklə də, sərhəd rayonlarda məhsul istehsalı və xidmətlərin göstərilməsinə yaxşı imkan yaradacaq... Biz həm istehsalı, həm də ixracatı daha da artıra biləcəyik", nazir söyləyib.
Buna da bax: Azərbaycan Rusiyayla İranı ələ alır
Avqustun 12-də Soçidə Avrasiya İqtisadi Birliyinə (AİB) üzv ölkələrin hökumət başçılarının görüşü keçirilib. Ermənistanın baş naziri Ovik Abramyan bu görüşdə Meğridə azad iqtisadi zonanın yaradılmasına dair razılaşmanın əldə edldiyini bildirib. Onun sözlərinə görə bu, AİB ölkələri və İrandan iş adamlarının həmin zonada müəssisələr yaradaraq, məhsullarını birliyin ümumi bazarına ixrac etməsinə imkan verəcək.
"Bu razılaşma Ermənistan Respublikasının baş nazirinin təklifi əsasında əldə olunub. İndi əsas vəzifəmiz bununla bağlı qanunvericiliyi təmin etməkdir. Bundan ötrü hazırda azad iqtisadi zonanın yaradıması layihəsi təqdim olunub. Layihə təsdiq mərhələsindədir və ən yaxın zamanda həm istiqamtləri, həm də məqsədləri müəyyənləşəcək," Artsvik Minasyan deyib.
