Keçid linkləri

2024, 11 May, şənbə, Bakı vaxtı 04:40

İranda nüvə alimi “edam edilib”


İranın nüvə alimi Şahram Amiri 2010-cu ilin iyulunda Tehran hava limanında qəhrəman kimi qarşılanmışdı
İranın nüvə alimi Şahram Amiri 2010-cu ilin iyulunda Tehran hava limanında qəhrəman kimi qarşılanmışdı

Ailəsinin BBC-yə verdiyi məlumata görə İranda 2010-cu ildən bəri həbsxanada olan nüvə alimi Şahram Amiri edam edilib.

Alimin anası bildirib ki, oğlunun meyiti doğulduğu şəhərə qaytarlıb. Mərhumun boğazında kəndir izinin olduğu məlum olub. Onun asılaraq edam edildiyi düşünülür. Amiri elə həmin gün dəfn edilib.

Şahram Amiri Birləşmiş Ştatlardan qayıtdıqdan sonra İranda gizli bir məkanda saxlanırdı. O ABŞ-da olarkən Mərkəzi Kəşfiyyat İdarəsi (MKİ) tərəfindən oğurlandığını demişdi.

Bəzi məlumatlara görə Amiri İranın nüvə proqramının ən məxfi sirləri barədə biliyə malik olub.

Qəhrəman kimi qarşılanmışdı

1977-ci il təvəllüdlü Amiri 2009-cu ildə Məkkə ziyarətinə gedərkən yoxa çıxmışdı.

Onun sorağı bir il sonra Birləşmiş Ştatlardan gəlmişdi. O oğurlandığını və MKİ-nin ondan “intensiv psixoloji təzyiq altında həssas informasiya almaq istədiyini” söyləmişdi.

Ehtimalən ABŞ çəkilmiş videoda Amiri deyirdi: “Onlar məni tanımadığım yerdəki bir evə gətirmişdilər. Onlar mənə yuxu iynəsi vurmuşdular”.

Daha bir videoda o artıq ABŞ-da həbsdən qaçdığını xəbər verirdi.

Amiri nəhayət 2010-cu ildə Tehrana qayıtmış və qəhrəman kimi qarşılanmışdı.

O vaxt ABŞ rəsmiləri BBC-yə cənab Amirinin öz xoşu ilə qaçaq düşdüyünü və Birləşmiş Ştatlara “qiymətli informasiya” verdiyini demişdilər.

Daha sonra alınan xəbərlərdə deyilirdi ki, Amiri Tehrana qaytıdıqdan sonra uzunmüddətli həbsxana cəzasına məhkum edilib.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG