Keçid linkləri

logo-print
2016, 03 Dekabr, şənbə, Bakı vaxtı 09:04
- Ən azı 2007-ci ilə qədər metroda gediş haqqı qalxmayacaq. Bunu martın 24-də Bakı Metropoliteninin rəisi Tağı Əhmədov deyib. Onun sözlərinə görə, gediş haqqını artırmaq üçün Tarif Şurasına müraciət etsələr də, Şura bunu məqsədəuyğun saymayıb. Tağı Əhmədov bildirir ki, bu gün bir sərnişinin daşınması onlara 2750 manata başa gəlir.

1996-cı ildən metroda gediş haqqı 250 manatdır. 2006-cı ilin dövlət büdcəsində Metropolitenin itkilərini kompensasiya etmək üçün 35 milyard köhnə manat dotasiya nəzərdə tutulub. Daha 7 milyard manat isə elektrik haqqını ödəmək üçün ayrılıb.


- Qazın qiyməti də 2006-cı ilin sonuna qədər dəyişməyəcək. Amma martın sonundan başlayaraq qazpulunu ödəməyən abonentlərə qaz verilməyəcək. «Azəriqaz»ın vitse-prezidenti Nazim Səmədzadə belə deyir. Nazim Səmədzadə onu da bildirib ki, aprelin 1-dən etibarən abonentlər qaz pulunu ancaq poçt şöbələri və banklarda ödəyə biləcəklər. «Azəriqaz» rəsmisinin sözlərinə görə, abonentlərin 34 faizi üçün artıq qaz sayğacları quraşdırılıb. Sayğacların göstəricilərinə müdaxilə edən vətəndaşların məsuliyyətə cəlb olunması üçün hüquq-mühafizə orqanlarına təkliflər göndərilib.


- Azərbaycan Dövlət Neft Şirkəti (ARDNŞ) "Azəri-Çıraq-Günəşli" layihəsindəki 10 faizlik payını daha yaxşı maliyyələşdirmək və aldığı borcları qaytarmaq üçün Beynəlxalq Banklar Sindikatıyla 750 milyon dollarlıq kredit müqaviləsi bağlayıb.


ARDNŞ-dən verilən məlumata görə, kredit Amerikanın "Exxon" və Türkiyənin "Türk Petrolları" şirkətlərindən vaxtilə alınan borcun qaytarılmasına yönəldiləcək.


Günün bütün mövzuları

XS
SM
MD
LG