Milli Məclisin oktyabrın 14-də keçirilən toplantısında “Tik, idarə et, təhvil ver” prinsipi ilə tikintiyə investisiyalar dövlət rüsumundan azad edib.
“Turan”ın xəbərinə görə, parlamentin İqtisadi siyasət komitəsinin sədri Ziyad Səmədzadənin sözlərinə görə, bu yenilik “Dövlət rüsumu haqqında” Qanununda təklif olunan dəyişiklikdə nəzərdə tutulub.
Buna da bax: “Tik, idarə et, təhvil ver” qanunu keçdi
Qərar prezidentin bu il aprelin 21-də imzaladığı «Tikinti və infrastruktur obyektləri ilə əlaqədar investisiya layihələrinin xüsusi maliyyələşmə əsasında həyata keçirilməsi haqqında qanun»un tətbiqi haqqında fərmanına əsaslanır.
Fərmana əsasən, bu model əsasında müqavilələri bağlamaq, obyektlərin qəbulu və istismara verilməsi səlahiyyəti İqtisadiyyat Nazirliyinə verilib.
Sözügedən qanun investisiya layihələrinin “Tik, idarə et, təhvil ver” modelinə uyğun maliyyələşməsini nəzərdə tutur.
Buna da bax: Xeyir xəbər: Dövlətlə özəl sektor qucaqlaşa bilər
Bu modelin əsas mahiyyəti ondan ibarətdir ki, dövlət müqavilə əsasında infrastruktur obyektlərin tikintisini, onların maksimum 49 il müddətinə idarə edilməsini və gəlirləri investorlara təklif edir.
Bu müddət bitdikdən sonra, həmin obyektlər əvəzsiz qaydada dövlətə təhvil verilir.
