Keçid linkləri

2016, 08 Dekabr, Cümə axşamı, Bakı vaxtı 14:14

-

Baş prokuror Zakir Qaralov həbsdə olan insan haqları üzrə vəkil İntiqam Əliyevlə bağlı əlavə kassasiya protesti verib. Baş prokuror hesab edir ki, İntiqam Əliyevə verilən cəza ağır olub və bu səbəbdən hökmün ləğvi xahiş olunur.

Bu barədə hüquq müdafiəçisinin vəkili Cavad Cavadov məlumat yayıb.

Zakir Qaralovun bu şikayətinə martın 28-də Ali Məhkəmənin Plenumunda baxılacaq.

Cavad Cavadov hökmün ləğv olunub İntiqam Əliyevin azadlığa buraxılacağını istisna etmir.

Hüquq Maarifçilik Cəmiyyətinin prezidenti İntiqam Əliyev 2014-cü il avqustun 8-də həbs olunub. Hüquq müdafiəçisi qanunsuz sahibkarlıq, mənimsəmə, vergidən yayınma kimi ittihamlarla 7 il 6 ay azadlıqdan məhrum edilib. Bakı Apellyasiya Məhkəməsi və Ali Məhkəmə də Bakı Ağır Cinayətlər Məhkəməsinin bu hökmünü qüvvədə saxlayıb.

İntiqam Əliyev ittihamları rədd edir və insan haqlarının müdafiəsi ilə bağlı gördüyü işlərə, xüsusən Avropa Məhkəməsinə göndərilən şikayətlərin hazırlanması və bu qurumda Azərbaycan vətəndaşlarının müdafiəsini həyata keçirdiyinə görə cəzalandırıldığını bildirir.

«Amnesty International» beynəlxalq insan haqları təşkilatı İntiqam Əliyevi «vicdan məhbusu» elan edib.

Günün bütün mövzuları

Şərhləri göstər

XS
SM
MD
LG