Keçid linkləri

2024, 28 Mart, Cümə axşamı, Bakı vaxtı 20:42

Gömrük planı yerinə yetirdi - devalvasiyanın köməyi ilə


İlin başa çatmasına ayyarım qalmış Dövlət Gömrük Komitəsi (DGK) illik planı artıqlaması ilə yerinə yetirib. Təkcə oktyabr ayında 183,1 milyon manat toplanıb.

Əvvəlki ildəkindən 46 faiz çox

Komitənin noyabrın 15-də açıqladığı məlumata görə, bu ilin 10 ayında qurum dövlət büdcəsinə 1 milyard 837 milyon manat vergi və rüsum toplayıb. İllik plan bundan 27 milyon manat az idi.

Buna da bax:​ Gömrükdə plan doldurmaqda rekord vurur

Əvvəlki ilin eyni dövrü ilə müqayisədə gömrükçülər 46 faiz daha çox vəsait toplayıblar. Səbəb - devalvasiyadır. Dollarla hesablanıb, manatla ödənilən gömrük vergi və rüsumları sayəsində komitə planı asanlıqla yerinə yetirib.

Plan artırılıb

Gələn ilin dövlət büdcəsi layihəsində DGK-ya 2,2 milyard manatlıq plan müəyyənləşdirilməsi nəzərdə tutulur. Bir çox ekspertin fikrincə, idxal həcmi azalmayacaqsa, gömrükçülərin bu hədəfə çatması çətin olmayacaq.

Buna da bax:​ Devalvasiyalardan sonra hökumət artıq ÜDM-lə öyünmür

Hökumət 15 illik fasilədən sonra bəzi mallara (mis və dəri) ixrac rüsumu tətbiq etməyə başlayıb, bəzi məhsullarınsa idxal vergisi artırılıb. Həmin siyahını genişləndiriləcəyi gözlənilir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG