►Fransa prezidenti Francois Hollande ölkə parlamentinin çox nadir hallarda birlikdə iclas keçirən iki palatası qarşısında deyib ki, cümə günü törədilmiş hücumlardan sonra Fransa müharibədədir.
O bəyan edib ki, basqınların dərhal ardınca elan edilmiş fövqəladə vəziyyəti üç ay müddətinə uzadacaq.
Hollande bildirib ki, Fransanın məqsədi İD-i təkcə buxovlamaq yox, məhv etməkdir.
İslam Dövləti adlandırılan təşkilat bildirib ki, Paris boyunca bar, restoran, konsert salonu və stadionda 129 nəfərin həyatına son qoymuyş basqınları o törədib.
Buna da bax: Azərbaycanda İnternet çöküb
Cənab Hollande deyib ki, qarşıdan gələn günlərdə ABŞ prezidenti Barack Obama və Rusiya lideri Vladimir Putinlə görüşməlidir.
Prezident təhlükəsizlik orqanlarına daha çox resursların ayrılacağını bildirib.
O deyib ki, “Charles de Gaulle” təyyarədaşıyan gəmisi İD-ə qarşı kampaniyanı gücləndirmək üçün cümə axşamı regiona göndəriləcək.