Fransanın ATƏT-in Minsk qrupundakı həmsədri dəyişir.
APA-nın xəbərinə görə, bu barədə məlumatı Fransanın Azərbaycandakı səfirliyi də təsdiqləyib.
Həmsədr Pierre Andrieu-nü Stéphane Visconti əvəzləyib.
Lakin Stéphane Visconti-nin həmsədr kimi nə vaxt fəaliyyətə başlayacağı, hələlik, məlum deyil.
Stéphane Visconti daha əvvəl Fransanın Latviyadakı səfiri olub.
Qarabağ münaqişəsi ilə bağlı sülh danışıqları ATƏT-in Minsk qrupunun həmsədrlərinin vasitəçiliyi ilə aparılır. Minsk Qrupuna Fransadan başqa ABŞ və Rusiyadan da olan həmsədrlər daxildir. Rusiyadan həmsədr Igor Popov, ABŞ-dan isə James Warlick-dir.