Keçid linkləri

2016, 11 Dekabr, bazar, Bakı vaxtı 16:08

►Banklar saat 09:00-dan 21:00-dək fasiləsiz işləməlidir

Bankların paytaxtın mərkəzində yerləşən filialları iyunun 10-dan 21-dək (istirahət günləri də daxil olmaqla) işləməli olacaqlar.

Maliyyə Bazarlarına Nəzarət Palatasının (MBNP) bununla bağlı ölkənin kommersiya banklarına müraciət etdiyi bildirilir.

Report-un xəbərinə görə, banklar qeyd olunan günlərdə fasiləsiz işləyəcək filialların siyahısını müəyyən etməlidir.

Üstəlik, filialların iş vaxtının saat 09:00-dan 21:00-dək müəyyən edildiyi qeyd edilir.

Bu addım iyunun 17-19-da Bakıda keçiriləcək "Formula-1" Avropa Qran-Prisinin keçirilməsi ilə izah edilir.

Yarışları izləməyə gələnlərin valyuta mübadiləsi əməliyyatlarına tələbatı artıracağı güman olunur.

Ötən il dekabrın 21-də baş verən devalvasiyadan sonra Bakıdakı valyuta mübadiləsi məntəqələrinin bir çoxu bağlanıb. Müştərilər əsasən bank filiallarında pullarını dəyişirlər.

Buna görə Novruz bayramı zamanı Bakıya gələn turistlər pul dəyişməkdə çətinliklərlə üzləşmişdilər.

Günün bütün mövzuları

XS
SM
MD
LG