Keçid linkləri

2024, 19 Mart, çərşənbə axşamı, Bakı vaxtı 14:29

Deputat: 'MSK-nın kamerasına düşübsə, onu kim görüb ki?'


Elman Məmmədov
Elman Məmmədov

Hakim Yeni Azərbaycan Partiyasının (YAP) üzvü, deputat Elman Məmmədov referendum günü məntəqələrdə seçici fəallığı, qayda-qanun gördüyünü deyir:

Deputat Elman Məmmədov: 'Faktla danışsınlar'
Gözlə

No media source currently available

0:00 0:01:53 0:00
Direct-ə keçid

– Ailəmlə birgə səsvermədə iştirak etmişəm. Səs verdiyim məntəqə Bakının Bakıxanov qəsəbəsində yerləşir. Orda bir neçə məntəqə var, onların hər birinin qarşısında seçici fəallığı gördüm. Vətəndaşlar öz hüquqlarını başa düşürlər, fəal vətəndaş mövqeyi göstərirlər, Konstitusiya borclarını yerinə yetirib səs verirlər.

– Müstəqil müşahidəçilər, mətbuat çoxsaylı qanun pozuntuları, xüsusən də topa bülletenlərin qutulara atılması, karusel əməliyyatı haqda məlumatlar verirlər. Bu haqda nə deyə bilərsiniz?

– Kim nə yazır, kimin ağlına nə gəlir, özü bilər. Xaricdə də cürbəcür qurumlar, Venesiya Komissiyası kimilər götürüb Azərbaycan haqda ağızlarına gələni yazırlar. Onların yazdığı doqma deyil ki. Kim nə istəyir yazır. Getsinlər, seçki məntəqələrinə müşahidə aparsınlar, faktla danışsınlar. Mən eyni zamanda müşahidəçi kimi də məntəqələri gəzirəm, hara gedirəmsə, seçici fəallığı, demokratiya, şəffaflıq, qayda-qanun, nizam-intizama əməl edilməsini görürəm.

– Mərkəzi Seçki Komissiyasının məntəqələrdə quraşdırdığı kameralara da qanun pozuntuları düşür. İzləmisiniz?

– MSK-nın kamerasına düşübsə, MSK göstərsin, camaat da baxsın, görsün ki, MSK-nın kamerası göstərir bunu. Mən axı... Elə bir şey yoxdur ki, MSK-nın kamerasına düşsün. Bəli, mindən artıq məntəqədə kamera quraşdırılıb. Əgər MSK-nın kamerasına düşübsə, o göstərər. Onu kim görüb, kim baxıb ki?

– Vətəndaşlar həmin kameralarla məntəqələrdə səsvermə prosesini izləyə bilirlər.

– Vətəndaş görüb, izləyibsə, bu onun hüququdur, münasibətini bildirsin ona. Mən getdiyim məntəqələrdə elə şey görməmişəm, başqasının əvəzindən danışa bilmərəm.

Buna da bax-Referendumda baş verənlərin bütün detalları anbaan burda

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG