«Ermənistanın təxribatçı əməlləri Azərbaycan xalqının məhv edilməsinə yönəldilib. Danışıqların davam etdirilməsi ilə onlar ancaq vaxt qazanmaq istəyirlər».
Bunu Ekologiya və təbii sərvətlər naziri Hüseynqulu Bağırov Ağdam rayonunda deyib.
Trend-in xəbərinə görə, nazir bildirib ki, Ermənistan Azərbaycanın mülki adamları ilə müharibə etməyə davam edir:
«Evlərin dağıdılması və Azərbaycanın mülki vətəndaşlarının ölümü bunu təsdiq edir»
H. Bağırov əlavə edib ki, Azərbaycan artıq 90-cı illərdə olan ölkə deyil:
«Azərbaycanın gücü artıb. Bu bizim üçün ölüm-qalım mübarizəsidir. Başqa yolumuz yoxdur. Azərbaycanın digər dövlətin ərazisinə iddiası yoxdur».
Nazir deyib ki, Ermənistan Azərbaycanın işğal edilmiş ərazilərində ekologiyaya ziyan vurur. Meşə örtüklərini məhv, qızıl mədənlərini istismar edir.