Keçid linkləri

2024, 29 Mart, Cümə, Bakı vaxtı 01:09

Büdcə gəlirlərinin yarısı neft puludur


Azərbaycanda neft gəlirləri (illüstrasiya)
Azərbaycanda neft gəlirləri (illüstrasiya)

Gələn ilin büdcəsinin yarısını neft gəlirləri təşkil edəcək. Bu barədə Maliyyə Nazirlyinin büdcə layihələri təqdimatında deyilir. Bildirilir ki, neft sektoru üzrə büdcə gəlirlərinin dövlət büdcəsi gəlirlərində xüsusi çəkisi 49,2% və ya 7 milyard 855 milyon manat nəzərdə tutulur ki, bu da 2016-cı ilin proqnozu ilə müqayisədə 1 milyard 370 milyon manat və ya 14,9% azdır.

Neft sektoru üzrə büdcə gəlirlərinin 77,7%-ni Dövlət Neft Fondundan (DNF-dən) transfertlər (cari ilin proqnozu ilə müqayisədə 19,9% az), 22,3%-ni isə vergi orqanlarının xətti ilə neft sektorundan daxilolmalar (cari ilin proqnozu ilə müqayisədə 9% çox) təşkil edir.

Buna da bax: Azərbaycanın 37 şəhər və rayonu öz-özünü dolandıracaq

Vergi orqanlarının xətti ilə neft sektoru üzrə daxilolmalarda Dövlət Neft Şirkəti (ARDNŞ) üzrə büdcə ödənişləri 1 milyard 280 milyon manat və Azərbaycan Beynəlxalq Əməliyyat Şirkəti (ABƏŞ) üzrə mənfəət vergisi 475 milyon manat nəzərdə tutulur.

Qeyri-neft sektoru üzrə büdcə gəlirlərinin dövlət büdcəsi gəlirlərində xüsusi çəkisi 50,8% və ya 8 milyard 100 milyon manat nəzərdə tutulur ki, bu da 2016-cı ilin proqnozu ilə müqayisədə 503 milyon manat və ya 6,6% çoxdur.

Buna da bax: Ekspert: OPEC razılaşması neftin qiymətini 2-3 dollar qaldıracaq

Qeyri-neft sektoru üzrə büdcə gəlirlərinin 67,3%-ni qeyri-neft sektorundan daxilolmalar, 27,2%-ni Dövlət Gömrük Komitəsindən (DGK-dən) daxilolmalar, 5,5 %-ni isə digər gəlirlər təşkil edir. 2016-cı ilin proqnozu ilə müqayisədə vergi orqanlarının xətti ilə qeyri-neft sektorundan daxilolmalar 1%, DGK-dən 21,5%, digər gəlirlər isə 15% çoxdur.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG