Keçid linkləri

2016, 09 Dekabr, Cümə, Bakı vaxtı 10:06

"İslam Dövləti" qrupu Brüssel partlayışını boynuna götürüb (Fotolar, Video)


-

Belçikada törədilən terror aktlarında azı 34 adam ölüb, 180-dən çox adam yaralanıb.

Partlayışlara görə cavabdehliyi "İslam Dövləti" təşkilatı üzərinə götürüb.

Martın 22-də Brüsseldəki hava limanında 2,Maalbek metro stansiyasında isə 1 partlaış törədilib.

Metrodakı partlayışda 20, hava limanında isə azı 14 nəfər ölüb.

Daha sonra ölənlərin sayının 34-ə çatdığı bildirilib.

Avropa və dünya ölkələri bu terror aktlarını kəskin pisləyiblər.

Belçika da daxil olmaqla Avropa Birliyi ölkələrində sərhədlər, vağzallar və ictimai nəqliyyatda təhlükəsizlik tədbirləri gücləndirilib.

--Avropa Şurasının prezidenti Donald Tusk və Almaniyanın kansleri Angela Merkel bu hücumları kəskin pisləyiblər.

Brüsseldə baş vermiş terror aktları ilə əlaqədar Azərbaycanın Belçika Krallığı və Lüksemburq Böyük Hersoqluğundakı səfirliyi dördüncü həyəcan səviyyəsi elan edib.Azərbaycanlılar...

Səfirlik terror təhlükəsi ilə əlaqədar olaraq Belçika ərazisində olan bütün Azərbaycan vətəndaşlarına tövsiyə edir ki, insanların kütləvi toplaşdığı yerlərdən uzaq olsunlar.

"Murdar cinayət"

Milli Strateji Düşüncə Mərkəzinin başqanı İsa Qəmbər Azərbaycanda hadisəni ilk pisləyənlərdən olub.

Eyfel qülləsi rəngini dəyişəcək

Eyfel qülləsi Brüssel partlayışlarının qurbanlarını anmaq, belçikalılara dəstək olmaq üçün Belçika bayrağının rənglərini işıqlandıracaq - Paris şəhərinin meri Anne Hidalgo Twitterdə belə yazır.

Avropa liderləri Brüsseldə törədilən partlayışları ittiham edirlər.

Fransa perezidenti Fransua Olland bunun bütün Avropaya hücum olduğunu bildirib və qitəni ciddi təhlükəyə qarşı vacib addımlar atmağa çağırıb.

Trump dərhal reaksiya verdi

ABŞ-da Respublikaçılar Partiyasından olan prezidentliyə iddialı Donald Trump Tvitter-də yazır:

"Yadınızdadırmı, Brüssel necə gözəl və təhlükəsiz yer idi. Daha belə deyil. Bu yeni bir dünya düzənidir. Biz sayıq və müdrik olmalıyıq"

​Nərgizin gördükləri

Hadisənin şahidi olan 19 yaşlı azərbaycanlı Nərgiz De Baere-nin AzadlıqRadiosuna dedikləri

Brüssel hava limanında bir azərbaycanlı olub

“Brüssel hava limanında partlayış baş verən zaman ərazidə uçuş reysini gözləyən bir nəfər Azərbaycan vətəndaşı olub”.

Bu haqda APA-ya Xarici İşlər Nazirliyinin mətbuat katibi Hikmət Hacıyev məlumat verib.

XİN sözçüsünün bildirdiyinə görə, xoşbəxtlikdən həmin şəxs zərər çəkməyib.

“Həmin şəxs sağ-salamatdır. Belçikadakı səfirliyimiz onunla təmasdadır” - deyə H.Hacıyev bildirib.

Partlayış baş verən hava limanındakı Azərbaycan vətəndaşının kimliyini deməyən XİN sözçüsü söyləyib ki, Belçika Krallığındakı səfirlik gücləndirilmiş rejimdə fəaliyyətini davam etdirir. Brüsseldə baş verən hadisələrlə əlaqədar konsulluq dəstəyinə ehtiyac duyan Azərbaycan vətəndaşları səfirliyə müraciət edə bilərlər.

Partlayışdan sonra Bakı və regionlardakı aeroportlarda təhlükəsizlik tədbirləri gücləndirilib.

Prezident İlham Əliyev Belçika Krallığının baş naziri Charles Michel-ə başsağlığı məktubu göndərib.

Reaksiyalar

İsveçin baş naziriStefan Löven (Stefan Lofven) bunu demokratik Avropaya hücum adlandırıb və qeyd edib ki, terrorçuların bizim açıq cəmiyyətimizə hücumunu heç vaxt qəbul etməyəcəyik.

Danimarkanın baş naziri Lars Lekke Rasmussen Tvitter səhifəsində partlayışları mənfur hücum adlandırıb.

Niderlandın baş naziri Mark Rutte isə bəyan edib ki, Belçika bir daha qorxaq və ölümcül hücuma məruz qaldı.

Həmçinin Rusiya prezidenti Vladimir Putin bu “Barbarçı cinayət” adlandırıb.

--

Brüsselin aeroport və metrosunda partlayışlar törədilib. Belçikada ən yüksək terror təhlükəsi səviyyəsi elan edilib. Metropoliten və aeroportun işi dayandırılıb.

Yazı yenilənir, ən son xəbər əvvəldədir.

+++

Belçika Fransa ilə sərhədi bağlayıb və ölkədə nüvə obyektlərinin təhlükəsizliyini gücləndirib – Yerli media xəbər verir.

+++

Brüssel hava limanı və metrosunda partlayış qurbanlarının sayı 21-ə yüksəlib.

Brüssel metrosunda partlayış

HƏLAK OLANLARIN SAYI ARTIR

Brüssel aeroportunda iki partlayış olub. Bir partlayış isə metro stansiyasında olub. Bu metro stansiyası Avropa Birliyi təşkilatlarının yaxınlığında yerləşir.
Partlayışda ölənlərin sayı 13-ə, yarıalıların sayı 35 -ə çatıb.

HAVA LİMANI BOŞALDILIR

Reuters agentliyi yazır ki, partlayışda azı 10 nəfər həlak olub, 30 nəfər də yaralanıb. Partlayışdan əvvəl ərəb dilində qışqırıqlar eşidilib.

Hava limanının ərazisindən insanlar və bütün texnika çıxarılır.

Polis partlayışın səbəbləri barədə hər hansı informasiya verməyib. Ancaq bunun “İslam Dövləti” yaraqlıları tərəfindən törədilməsinə dair şübhələr var. Həmin yaraqlılar bir qədər əvvəl Parisdəki partlayışlara görə məsuliyyəti də öz üzərinə götürmüşdü.

Brüssel hava limanında partlayış baş vermiş ərazi:

BRÜSSELDƏ PARTLAYIŞ

Brüsselin Zaventem aeroportunda iki partlayış baş verib.

Belçika mediası martın 22-də törədilən partlayışda bir nəfərin öldüyü və yeddi nəfərin yaralandığını xəbər verir. Ölənlərin sayının artacağından narahatlıqlar var.

Məlumatlara görə, partlayışlar çıxış zallarında baş verib.

Hələlik partlayışın səbəbi bəlli deyil.

Hadisə yerindən şahidlərin sosial şəbəkələrdə yaydıqları video:

Hava limanı uçuşları ləğv edib və öz tvitter səhifəsində yazıb: “Hava limanına gəlməyin. Ərazidən uzaqlaşın, uçuşlar ləğv edilib”

Brüssel aeroportu ildə 23 milyon sərnişinə xidmət göstərir.

Dörd gün öncə Brüsseldə Salah Abdeslam saxlanıb. O, ötən noyabrda Parisdə 130 nəfərin ölümünə səbəb olmuş hücumların törədilməsində şübhəli bilinir.

Günün bütün mövzuları

Şərhləri göstər

XS
SM
MD
LG