Keçid linkləri

2016, 09 Dekabr, Cümə, Bakı vaxtı 06:17

Bayram Məmmədovun məhkəməsi başlayır


NİDA Vətəndaş Hərəkatının üzvü Bayram Məmmədov barəsindəki cinayət işi Bakı Ağır Cinayətlər Məhkəməsinin hakimi Eldar Mikayılovun icraatına verilib.

B.Məmmədovun vəkili Elçin Sadıqovun yaydığı xəbərə görə, gənc fəalın hazırlıq iclası noyabrın 1-nə təyin olunub.

B.Məmmədov digər gənc fəal Qiyas İbrahimovla birgə bu il mayın 10-da saxlanıblar. Daxili İşlər Nazirliyinin yaydığı məlumata görə, B.Məmmədovdan 2.904 qram, evinə baxış zamanı əlavə olaraq 1 kiloqram 150 qram heroin aşkar edilib. Onunla birlikdə saxlanan Q.İbrahimovdan da 2.607 qram, yaşadığı mənzilə baxış zamanı isə əlavə 1 kiloqram 10 qram heroin tapıldığı iddia edilir.

Gənclərin əslində keçmiş prezident Heydər Əliyevin abidəsinə şüar yazılmasına görə həbs edildiyi güman olunur. Mayın 12-də Xətai Rayon Məhkəməsi hər iki gənc haqqında 4 aylıq həbs-qətimkan tədbiri seçib. Sentyabrın 6-da B.Məmmədov barəsindəki həbs müddəti 2 ay 1 gün artırılıb.

Q.İbrahimovun isə hazırda məhkəməsi gedir. Prokuror onun 9 il azadlıqdan məhrum edilməsini istəyib. Q.İbrahimov özü də məhkəmədə deyib ki, o, məhz Heydər Əliyevin doğum günü abidəsinə «Qul bayramınız mübarək» yazdığına görə həbs edilib.

Dövlət ittihamçısı Qiyas İbrahimova 9 il iş istədi

Günün bütün mövzuları

XS
SM
MD
LG