Keçid linkləri

2024, 19 May, bazar, Bakı vaxtı 04:59

Turizm şirkətlərində ciddi ixtisarlar var


Turistlər (arxiv fotosu)
Turistlər (arxiv fotosu)

Manatın dəyərsizləşməsi milli valyutada şirkətlərin gəlirini artırıb

Dövlət Statistika Komitəsinin (DSK-nın) açıqladığı hesabata görə, ötən il Azərbaycanda səyahət və turizm xidmətləri göstərən şirkətlərin sayı 218-dən 243-ə yüksəlib. Onların ilboyu gəlirləri 17, 2 faiz (36,5 milyon manat) artıb. DSK gəlirin artım səbəbini bildirməsə də, xaricə turist səfərləri dollarla ödənildiyindən və manatın məzənnəsi ucuzlaşdığından, səfərə gedənlərin manatla daha çox xərcə düşməsi, heç şübhəsiz, başlıca səbəbdir. Bunu təsdiqləyən faktlar göz önündədir: Satılan yollayışların sayı 2014-cü ildəki 66,2 mindən 44,6 minə (azalma 32 faiz), gələn və göndərilən turistlərin sayı 92,3 mindən 62 min nəfərə enib. İqtisadi böhran ucbatından, turistlər səfərə çıxarkən, qənaət məqsədilə turoperator xidmətlərindən daha az yararlanırlar.

Buna da bax: «Loukoster»lər Gürcüstana turist axınını kəskin artırıb

Xidmətlər populyarlaşmayıb?

Özünü turizm sektorunda sınayan sahibkarların da sayı durmadan artır.

Daxili turizmi irəlilətmək məqsədilə yerli marşrutlar təbliğ olunsa da, turoperatorların ölkə içində təklif etdikləri xidmətlər nəinki populyar deyil, tam tərsinə, ilbəil geriləyir. 2013-cü ildə satılan yollayışların sayı 7 mindən çox idisə, ötən il bu göstərici 4 min 700 olub.

Buna da bax: Hər bir şey geri getdiyi halda - «Paşa Development» çiçəklənir

Turizm şirkəti xidmətlərindən istifadə 2012-ci ildən bəri azalmaqdadır. Həmin il sözügedən şirkətlər Azərbaycana gələn və xaricə yollanan 101 min nəfərə xidmət göstərmişdi. Bununla belə, turistlərin azalması şirkətlərin gəlirinə təsir göstərməyib. İlboyu turizmdən 5,4 milyon - 2014-cü ildəkindən 1,4 milyon manat çox mənfəət götürülüb.

Buna da bax: Son deyil, ardı mütləq gələcək

Özünü turizm sektorunda sınayan sahibkarların da sayı durmadan artır. 2010-cu ildə turizm şirkətlərinin sayı indikindən iki dəfə az idi.

Turizm şirkətlərində 1600-dək işçi çalışır

Turizm ötən ilin sonundan bəri - iqtisadi islahatlar dalğasında xüsusi razılıq (lisenziya) tələb olunan sahibkarlıq fəaliyyəti növləri sırasından çıxarılıb. İndi yerli və xarici otellərlə münasibət quran, sərnişindaşıma şirkətlərinin biletlərini satan, eləcə də sığorta şirkətləri ilə müqavilə bağlayan hər hansı şəxs bu işlə məşğul ola bilər.

Buna da bax: Paşayevlərin gəlirli Retro biznesi

İlboyu ixtisarların «qurbanı»na çevrilən 208 nəfər yerli özəl şirkətlərdə çalışıb. Xarici iş adamları ilə birgə yaradılan 8 şirkətdə çalışanların sayı isə 2015-ci ildə 77-dən 100-ə yüksəlib. Bu ilin yanvar ayında turizm şirkətlərində 1600-dək işçi çalışıb. Bu, təxminən 2011-ci ilin göstəricisinə yaxındır.

Buna da bax:

Azərbaycana gələn turistlər hara gedir?
Gözlə

No media source currently available

0:00 0:02:03 0:00

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG