Keçid linkləri

2016, 06 Dekabr, çərşənbə axşamı, Bakı vaxtı 16:21

AzadlıqLive - Dollarla kredit götürənlərə kömək vəd edilir

Azərbaycanda və dünyada baş verən xəbərləri burdan izləyin


arxiv fotosu

arxiv fotosu

14:58 27.12.2015

Banklar dollar kreditlərinə yenidən baxır

Azərbaycan bankları dollarda olan kreditlərin restrukturizasiyası (ödəniş müddətinin dəyişdirilməsi) prosesinə başlayır. Məqsəd manatın məzənnəsinin dəyişməsi ilə əlaqədar kredit ödənişinin gecikdirilməsi hallarının artmasının qarşısını almaqdır. Bunu “Qafqazinfo” bildirir : bir sıra banklar artıq gələn həftədən tədbirlər planının reallaşdırılmasına başlayacaqlar.

Xatırladılır ki, Mərkəzi Bank kommersiya banklarının rəhbərləri ilə dünənki görüşdə onları müştəriləri dəstəkləməyə, onlarla davranış üzrə düzgün metodlar seçməyə çağırıb.

Məlumata görə, öz portfelində dollarda olan kreditlərin restrukturizasiyası haqqında qərar qəbul edən banklardan biri də "Amrahbank"dır. Bank artıq öz müştərilərinə istehlak kreditləri üzrə şərtlərə yenidən baxılması ilə bağlı təkliflə müraciət edir. O cümlədən, bank müştərilərinə istehlak kreditləri üzrə faiz dərəcələrini 29-dan 17 faizədək azaltmağı, həmçinin kredit ödənişi müddətinin artırılmasını təklif edir. Hər bir müştəriyə borcların qalığından asılı olaraq fərdi yanaşlılır.

Kreditlərin restrukturizasiyasına hazırlaşan banklar arasında PAŞA Bank, DəmirBank, Bank VTB (Azərbaycan) və digərlərinin adı çəkilir.

21:15 25.12.2015

Dollarla krediti olanlara yardım vəd edilir

Mərkəzi Bankda dekabrın 25-də toplantı keçirilib.

Kommersiya banklarından birindən APA-ya verilən məlumata görə, Mərkəzi Bankı iclasda baş direktor Rəşad Orucov təmsil edib.

Görüşdə manatın devalvasiyaya uğramasından sonra bankların problemli aktivlərinin kəskin artması və bank sektorundakı konsolidasiya prosesi müzakirə olunub.

Banklara dollarla krediti olan müştərilərə müvafiq yardımlar göstərmək tövsiyə olunub və Mərkəzi Bankın vəziyyətdən çıxmaqda banklara yardım edəcəyi bildirilib.

20:59 25.12.2015

MTN generalı Elçin Quliyev həbs olundu

Ləğv edilmiş Milli Təhlükəsizlik Nazirliyinin Antiterror Mərkəzinin keçmiş rəisi, general-mayor Elçin Quliyev həbs edilib.

Bu barədə APA-ya Səbail rayon Məhkəməsindən məlumat verilib.MTN ətrafında baş verən hadisələrdən sonra MTN-in Antiterror Mərkəzinin rəisi general-mayor Elçin Quliyev tutduğu vəzifədən azad olunaraq MTN-in Heydər Əliyev adına Akademiyasının kafedra rəisi təyin edilmişdi.

20:37 25.12.2015

Bu günki AzadlıqLive-da:

"Məhbusa sovqat və ya bağlama göndərmək 5-15 manat, məhbusla görüş 20-100 manat, aşağı çarpayıda yatmaq 150- 200 manat, “Burjuyski” kamerada yer almaq 500- 2000 manata başa gəlir." - Yeni hesabatın müəlliflərindən olan Oqtay Gülalıyev daha nələri deyir?

23 ildir ilan mələyən, susuz düzdə, qamış alaçıqda yaşayan Kəlbəcər köçkünləri

İqtisadçı Natiq Cəfərli: "Orta maaş Gürcüstanda 387 dollar, Ermənistanda 386, Azərbaycanda 296 dollar".

Jurnalist Rauf Mirəqdirovun məhkəmədə son sözü: “Hətta bəraət hökmü çıxarılsa belə, bu, qismən ədalət olacaq, tam ədalətin zəfəri sayıla bilməz.. Həbsdə olduğum iyirmi ayı, bu müddətdə yaza bilmədiyim məqalələri kimsə qaytara, ödəyə bilməz. Bunları nəzərə alanda, heç olmasa, bəraət hökmü çıxarılsın".

Davamı

Şərhləri göstər

XS
SM
MD
LG