Keçid linkləri

2024, 10 May, Cümə, Bakı vaxtı 17:55
Avropa Parlamenti
Avropa Parlamenti

Avropa Parlamentində Azərbaycanda insan haqları müzakirə edilir

Avropa Parlamenti avqustun 31-də Azərbaycanda insan haqlarının vəziyyətinə dair müzakirə keçirir. Müzakirənin gedişini dəqiqəbədəqiqə burada işıqlandırırıq. Yeni məlumatlar bloqun əvvəlində görünür. Lentin sonunda əvvəlki xəbərlər üçün "DAVAMI" düyməsini vurun.

Avropa Parlamenti avqustun 31-də Azərbaycanda insan haqlarının vəziyyətinə dair müzakirə keçirir. Müzakirənin gedişini dəqiqəbədəqiqə burada işıqlandırırıq.
Yeni məlumatlar bloqun əvvəlində görünür. Bloq-a daha əvvəl qoyulmuş xəbərləri də oxumaq üçün aşağıda "DAVAMI" düyməsini vurun.

Müzakirəni BURADA ƏTRAFLI BURADA DİNLƏYİN

18:13 31.8.2016

"Ölkə boyda həbsxana"

Rebecca Vincent,
Rebecca Vincent,

Növbəti söz alan Rebecca Vincentdir. Hüquq naminə İdman Koalisiyasındandır. Vincent Azərbaycandan danışır. O deyir ki, Azərbaycanda hüquq müdafiəçilərilə əməkdaşlıq edib. O deyir: "Avropa Oyunlarından keçən bu 15 ay ərzində vəziyyət dəyşməyib. Burda danışılanları Azərbaycanın simasında görmək olar. Müxtəlif səviyyələrdə korrupsiya var. Vəzityyət daha da pisləşib. Xarici aləmin diqqəti yaxşıdır. Ancaq konkret addımları görməmişik. Azərbaycan ən korrupsiyalaşmış ölkələrdən biridir. Korrupsiya siyahısında 119-cu yerdədir. Əliyev ailəsi və digər oliqarxlar dövlət fondları sahəsində illərlə korrupsiya ilə məşğuldurlar." O, Azadlıq Radiosunun araşdırmaçı jurnalisti Xədicə İsmayılın adını çəkir. Deyir ki, o, korrupisiyanı ifşa edirdi və buna görə həbs olundu: "O, azad olunsa da, ölkədən çıxa bilmir. Bir çoxları kimi. Xədicə ölkə boyda həbsxananı tərk edə bilmir. Onlarla siyasi məhbus həbsdədir. Azərbaycan hakimiyyəti həbsləri davam etdirir. Jurnalistlər, fəallar islamçılarla əlaqədə ittiham olunub tutulurlar. Sentyabrın 26-da referendumdur. Bu referendum haqda istənilən tənqidi hakimiyyət boğur." R.Vincent siyasi fəal ilqar Məmmədovun həbsdə olmasına da toxunub.

18:03 31.8.2016

Növbəti natiq İgor Cherniakdır. Ukraynada, Xarkovda Anti-Korrupsiya Mərkəzinin sədr müavinidir. O deyir ki, Ukrayna hakimiyyətinin əsas vəziəfələrindən biri korrupsiya ilə mübarizə olmalıdır. Ancaq hakimiyyət bu mübarizəni imitasiya edir. O yeni elektron sistemi misal gətirir ki, burda məmurlar öz gəlirləri haqda bəyannaməni yerləşdirməli idilər. Ancaq sistem hələ də hazır deyil. O başqa misal çəkir. Hərbi prokurorlardan olan Kulik hələ də öz vəzifəsindədir. Ancaq izah etmir ki, bu qədər evlər, sərvət onda hardandır? O, Xarkov meri Kernesin adını çəkir ki, merin adı korrupsiya ilə sinonimdir. Məşhur Panama papers səsnədlərindən məlum oldu ki, onun Rusiya baş naziri Medvedevlə korrupsiya əlaqələri var. 80 milyon dollarlıq.

17:51 31.8.2016

Söz Scype-la Manfredo Marroquin Bojorquezə verilir. O, Transparency İnternational -ın Qvatemala bölməsindəndir. O , Qvatemalada cəzasızlıqdan danışır. Hətta 10 il qabaq BMT Qvatemalada insan haqları pozuntusu ilə bağlı xüsusi komissiya da yaratdı. Ölkədə beynəlxalq aləmin qarşıması əleyhinə müxalifət olsa da, indi nəticələr var. Korrupsiya iə bağlı bir sıra şəxslər işdən azad da olunub. Bir sıra dəyişikliklər, uğurlar var. Gələn illərdə böyük dəyişikliklər gözlənilir.

17:37 31.8.2016

Söz Anton du Plessisə verilir. O, Afrika Tədqiqatları Təhlükəsizliyi institutunun direktorudur. O deyir ki, vaxtilə prokuror işləyib. Nelson Maddelanı görəndən sonra insan haqları ilə bağlı hüquqşünas kimi işləməyə başlayıb. Afrikanın çox ölkəsində ədalət pozulur. Ancaq Afrikada biz gələcyə ümidlə baxırıq. Afrikada korrupsiya biznesin aparılmağı yoludur. Ancaq korrupsiya Afrikaya ən böyük təhlükələrdən biridir. Ona görə cinayət qanunvericiliyini, yanaşmanı dəyişməliyik. Cənubi Afrikada korrupsiya ilə mübarizəni Konstitusiya məhkəməsi dəstəkləyib. Qərarda deyilir ki, korrupsiya ölkənin konstusiyasını laxladır. Hindistanda da konstitusiya məhkəməsi eyni yanaşmanı nümayiş edirir.

O şikayətlənir ki, bəzən auditoriya qarşısında çıxış edəndə o mat qalır ki, nə qədər adam korrupsiyanın təhlükəsini yaxşı anlamır.

Davamı

XS
SM
MD
LG