Keçid linkləri

2024, 19 Mart, çərşənbə axşamı, Bakı vaxtı 10:12

Avropa Olimpiya Festivalı Azərbaycanda keçirilə bilər


 I Avropa Oyunlarının açılışı - Bakı, 12 iyun 2015
I Avropa Oyunlarının açılışı - Bakı, 12 iyun 2015

Azərbaycan 2019-cu ildə Avropa Olimpiya Festivalına ev sahibliyi edə bilər.

Bununla bağlı oktyabrın 28-də Milli Olimpiya Komitəsinin (MOK) vitse-prezidenti Çingiz Hüseynzadə açıqlama verib.

«Report»un xəbərinə görə, Ç.Hüseynzadə məsələ ilə bağlı Belarusda müzakirələr aparıldığını bildirib. O, qeyd edib ki, Avropa Olimpiya Festivalına Belarus ev sahibliyi etmək istəyirdi.

«Minskdə Avropa Olimpiya Komitəsinin İcraiyyə Komitəsinin (İK) iclası oldu və bu məsələ qaldırıldı. Mən İK-nın iclasında Azərbaycan üçün Belarusun II Avropa Oyunlarının keçirilməsini öz üzərinə götürməsinin çox vacib olduğunu bildirdim. Belə olacağı təqdirdə Azərbaycanın Avropa Festivalını keçirməsinin mümkün olacağını söylədim. Festivalı keçirmək elə-belə iş deyil. Bunun üçün 5 il öncədən namizədlik verirsən, seçkilərdə iştirak edirsən. Amma bizim üçün çox rahatdır. Çünki heç bir prosedur olmayacaq. Bütün infrastrukturlar hazırdır. Biz bu yarışa hazırıq. Bu təklifimi Belarus prezidentinə də çatdırdılar. Ertəsi gün iclas keçirildi və A.Lukashenka ölkəsinin II Avropa Oyunlarını qəbul etdiyini bildirdi», - MİK rəsmisi bildirib.

2015-ci ildə Azərbaycanda I Avropa Oyunları, bu il isə «Formula 1» yarışları keçirildi. 2017-də isə Azərbaycan IV İslam Həmrəylik Oyunlarına ev sahibliyi edəcək. Müxalifət partiyaları hesab edirlər ki, Azərbaycan belə yarışlara ev sahibliyi etməkdənsə, həmin vəsaitlər ölkədə sosial problemlərin həllinə yönəldilməlidir.

Avropa Olimpiya Festivalının təşkilinə nə qədər vəsait sərf ediləcəyi, hələlik, açıqlanmayıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG