Keçid linkləri

logo-print
2016, 03 Dekabr, şənbə, Bakı vaxtı 21:55

-

«Dövlətlərarası qərarlara baxış məsələsinə dair qanun layihəsi hazırlanması elə söz olaraq qalır və bu lazım da deyil».

Bu fikri deputat Fazil Mustafa AzadlıqRadiosuna bildirib.

O, bu məsələnin daha çox Avropa İnsan Haqları Məhkəməsinin (AİHN) qərarları ilə bağlı olduğunu qeyd edir:

«Bu, «Rusiya yolu»nu təkrar etməkdir. Rusiya Qərb ilə savaş durumundadır. Bizim Azərbaycan olaraq Qərb dünyası ilə problemimiz yoxdur. Digər tərəfdən Rusiyaya tətbiq edilən sanksiyalar var ortada. Məgər Azərbaycana lazımdırmı bu sanksiyalar tətbiq edilsin? Bu, yanlış yoldur, səhv addımdır».

Siyasi məhbuslar məsələsinə toxunan F.Mustafa bu məsələnin həll edilməsini istəyib:

«İlqar Məmmədovu, Nemət Pənahlını, Fuad Qəhrəmanlını, Rəsul Cəfərovu və ya başqa siyasi məhbusları həbsdə saxlamağın mənası nədir? Ölkənin daha ciddi problemləri olduğu yerdə diqqət belə məsələlərə yönəlir, problemlər yaranır»- deyə F.Mustafa qeyd edib.

Deputatın fikrincə, Avropa ilə münasibətləri yaxşılaşdırmaq olar: «Hesab edirəm ki, mart ayında əfv fərmanı ilə siyasi məhbusların azad edilməsi Avropada müsbət reaksiyalara səbəb ola bilər».

Bir qədər öncə Azərbaycan parlamentində Avropa İnsan Haqları Məhkəməsinin qərarlarına münasibəti tənzimləyən qanun layihəsi hazırlamaq təklifi səsləndirilib. Buna qədər isə Rusiyada belə bir qanun qəbul edilib. Rusiyada qəbul edilən qanun rəsmi Kremlə bu məhkəmənin qərarlarına fərqli yanaşmaq hüququ verir.

Günün bütün mövzuları

Şərhləri göstər

XS
SM
MD
LG