Keçid linkləri

2016, 28 Sentyabr, çərşənbə, Bakı vaxtı 09:09

Qırğızıstan prezidenti Almazbek Atambayev, Türkiyənin xarici işlər naziri Mevlut Çavusoglunun Fetullah Gülen adamlarının Qırğızıstanda çeviriliş edə biləcəyi barədə dediklərini cəfəngiyat adlandırıb.

O bunu, yerli və xarici jurnalistlərin iştirakı ilə keçirdiyi mətbuat konfransında deyib: "Bu, cəfəngiyatdır. Əgər bu qədər ağıllıdırlarsa, niyə ölkələrindəki çevirilişə vaxtında cavab verə bilmədilər? Təbii ki , bütün tövsiyələri nəzərə alacaq və bununla bağlı məlumatları araşdıracağıq. Amma bizi qorxutmaq və ya öyrətməyə ehtiyac yoxdur "deyə vurğulayıb.

Fetullah Gülen məktəblərinin Qırğızıstanda fəaliyyətinə gəldikdə prezident deyib ki, ölkədəki qırğız-türk məktəbləri Qırğızıstan Təhsil Nazirliyi-nin təhsil planı əsasında fəaliyyət göstərir.

Amma müəyyən problemlər ortaya çıxsa, araşdırlacaq.

Atambayev mətbuat konfransında Türkiyə ilə əlaqələrə də toxunub.

O, çətin zamanlarda Qırğızıstana etdiyi köməyə görə Türkiyəyə təşəkkürünü bildirib, amma qeyd edib ki, heç kimin başqa bir ölkəyə şərtlərini diktə etməyə haqqı yoxdur.

Atambayev deyib ki, biz suveren bir dövlətik və nəyin lazım olub-olmadığını özümüz həll edirik.

Qeyd edək ki, Türkiyə hakimiyyəti iyulun 15-də ölkədə törədilən uğursuz qiyam cəhdinə görə hazırda ABŞ-da yaşayan Fətullah Güleni ittiham edir.

O ittihamı rədd edir.

Günün bütün mövzuları

XS
SM
MD
LG