Keçid linkləri

2016, 11 Dekabr, bazar, Bakı vaxtı 00:55

11 ildir ki, həbsdə olan keçmiş səhiyyə naziri Əli İnsanov barəsində yenidən, 3 aylıq həbs-qətimkan tədbiri seçilib. Bu barədə oktyabrın 11-də Qaradağ Rayon Məhkəməsi qərar çıxarıb. Qərar Qaradağ Rayon Prokurorluğunun təqdimatı əsasında çıxarılıb.

Qərarda göstərilir ki, Əli İnsanov avqustun 23-də xidməti vəzifəsini yerinə yetirən ədliyyə mayoru Anar Məmmədova zor tətbiq edib, onun boğazını sıxıb, poqonlarını qoparıb.

Keçmiş səhiyyə naziri ittihamları qəbul etmir. Bunu onu həbsdə saxlamaqdan ötrü düşünülmüş ssenari sayır.

Keçmiş nazirin vəkili Toğrul Babayev AzadlıqRadiosu-na bildirib ki, Əli İnsanov məhkəmədə iştirakdan imtina edib.

"Mənə qarşı irəli sürülmüş ittiham yalandır. Bu, çox uğursuz şərləmədir. Mənim 11 illik həbs müddətimin başa çatmasına 9 gün qalmış azadlığa çıxmağımın qarşısını almaq üçün atılmış addımdır"…

Əli İnsanovun özü barəsindəki yeni ittihamlara belə münasibət bildirib.

Bəs əslində iqtidar onun həbsxanada qalmasında niyə maraqlı olmalıdır? Keçmiş qüdrətli nazir bu gün hakimiyyət üçün hər hansı bir təhlükə təşkil edirmi? Biz bu suallarla siyasi şərhçilərə müraciət etmişik.

Hüquq müdafiəçisi Oktay Gülalıyev deyir ki, Əli İnsanova qarşı yeni ittihamların irəli sürülməsi siyasi sifarişdir:

Siyasi şərhçi Azər Rəşidoğlu Əli İnsanovun hakimiyyət üçün qorxu xofu yaratdığını söyləyir:

Bütöv Azərbaycan Xalq Cəbhəsi Partiyasının sədr müavini Niyaməddin Orduxanlı isə bildirir ki, Əli İnsanovun ciddi təhlükəli və böyük nüfuza malik şəxs olduğunu düşünmür. Ona qarşı yeni irəli sürülən cinayəti törədib-törətmədiyini isə məhkəmə sübut edəcək:

Günün bütün mövzuları

Şərhləri göstər

XS
SM
MD
LG