İyulun 15-də yayılan bu hesabatda qeyd olunur ki, Azərbaycan hökuməti seçkiləri beynəlxalq standartlara uyğun keçirməyə hazır olduğunu bəyan edir. Hökumət tezliklə seçkini müşahidə üçün ATƏT-in missiyasına dəvətnamə göndərəcək. «Bəzi yerli müşahidəçilər isə Azərbaycana missiya göndərməyin əhəmiyyətsiz iş olduğunu düşünürlər».
Hesabatda bildirilir ki, Seçki Məcəlləsinə dəyişikliklər olunsa da, bəzi problemlər hələlik həllini tapmayıb.
Sənəddə qeyd olunur ki, seçkilər ərəfəsində digər bir narahatlıq doğuran məqam seçki prosesinə kənar müdaxilə ehtimalıdır. Rəsmilər bunun da qarşısını almaq üçün əllərindən gələni etməyə söz veriblər.
DTİHB prezident seçkisi ilə əlaqədar Azərbaycana 30 nəfərdən ibarət uzunmüddətli, 450 nəfərdən ibarət isə qısamüddətli missiya göndərməyi tövsiyə edib.
