Keçid linkləri

2016, 08 Dekabr, Cümə axşamı, Bakı vaxtı 00:27

Fırıldaq qurbanlarının Bakı polisi qarşısında etiraz aksiyası


Şirkət bina tikmək vədi ilə paytaxt sakinlərindən 8 milyon 900 min dollar pul alıb

Şirkət bina tikmək vədi ilə paytaxt sakinlərindən 8 milyon 900 min dollar pul alıb

«GEN» MMC tikinti şirkəti tərəfindən aldadılan şikayətçilər iyulun 12-də Bakı şəhər Baş Polis İdarəsinin qarşısında piket keçiriblər.


Zərərçəkmişlər işin istintaqının Baş prokuror yanında Korrupsiyaya qarşı Mübarizə İdarəsinin icraatına verilməsini tələb ediblər.


Bunu «Azadlıq» radiosuna zərərçəkmişlərin hüquqlarını müdafiə edən Vidadi İsgəndərov deyib.


O, bildirib ki, aldadılan şəxslər Baş Polis İdarəsinin istintaq idarəsində aparılan araşdırmalardan da narazıdırlar.


«GEN» MMC-nin rəhbəri Elbrus Əliyev bu il iyunun 11-də həbs edilib. Onun ifadəsi əsasında şirkətin baş mühasibi Əliyar Abbasov, müavini Nəbi Məmmədov və şirkətin xəzinədarı Həbib Ağayev həbs ediliblər. Onlara qarşı Cinayət Məcəlləsinin 178.3.2-ci (dələduzluq, külli miqdarda ziyan vurmaq) maddəsi ilə ittiham irəli sürülüb və barələrində məhkəmə qərarı ilə həbs-qətimkan tədbiri seçilib. Onlar bina tikmək vədi ilə bir qrup paytaxt sakinindən 8 milyon 900 min ABŞ dolları həcmində pul alıblar.


Günün bütün mövzuları

XS
SM
MD
LG