Keçid linkləri

logo-print
2016, 05 Dekabr, Bazar ertəsi, Bakı vaxtı 18:38

Kristiano Ronaldo: «Mən FİFA prezidenti ilə tam razıyam»


FİFA prezidenti Kristiano Ronaldonun transferi ilə bağlı vəziyyəti şərh edərkən bunu «müasir quldarlığa» bənzədib. Onun sözləri həm UEFA, həm də «Mançestr Yunayted» futbol klubu rəsmilərinin narazılığına səbəb olub. UEFA-nın nümayəndəsi Vilyam Qailhard bildirib ki, klublarda futbolçuların hüquqları müdafiə olunur. O, Blatterə cavab olaraq deyib: «Onu da xatırlatmaq vacibdir ki, qullar heç vaxt maaş almayıb».


«Mançestr Yunayted»in nümayəndəsi isə öz etirazını belə bildirib: «Bizim bütün oyunçular digər klublarda olduğu kimi, komandaya qəbul olunmazdan əvvəl açıq və sərbəst danışıqlar aparıb müqavilə imzalayır. Onların əksəriyyəti hətta FİFA-da qeydiyyatdan keçən agentlərin məsləhətlərindən istifadə edir».


Mübahisənin əsas səbəbkarı Kristiano Ronaldo isə Zepp Blatterin tərəfini saxlayaraq jurnalitlərə bildirb: «Siz artıq mənim dediyimi, mənim ürəyimdən keçəni və nəyi arzuladığımı bilirsiniz. Mən FİFA prezidenti ilə tam razıyam».


Son vaxtlar «Mançestr Yunayted»in oyunçusu Kristiano Ronaldonun «Real»a keçəcəyi ilə bağlı çoxsaylı söz-söhbət yaranıb.


Günün bütün mövzuları

XS
SM
MD
LG