Hakim vəzifəsinə namizədlərin seçilməsi prosesi davam edir. Hakimlərin Seçki Komitəsindən (HSK) «Turan»a belə deyiblər.
Xəbərə görə, test, yazılı və şifahi imtahanlardan keçmiş, altı ay tədris kursu və məhkəmələrdə staj keçən 102 nəfər hakimliyə namizəd yekun müsahibələrə keçirilib.
Namizədlərin hakim işləmək üçün zəruri olan keyfiyyətlərə yiyələnməsini müəyyənləşdirmək məqsədilə keçirilən müsahibələrin nəticələri HSK tərəfindən qiymətləndirilib, bütün hakimliyə namizədlər növbəti mərhələyə buraxılmaqla Məhkəmə Hüquq Şurasına təqdim edilib.