İyulun 3-də Bakıda Azərbaycan və Rusiya prezidentləri İlham Əliyev və Dmitri Medvedevin danışıqları beş sənədin imzalanması ilə başa çatıb.
Dostluq və əməkdaşlıq haqqında Bəyannamə iki ölkə arasında bütün sahələrdə yaxın gələcək üçün əməkdaşlıq prioritetlərini müəyyən edir.
Tərəflər həmçinin Xəzər sammitinə hazırlıq prosesini, Dağlıq Qarabağ münaqişəsinin nizamlanmasını, İrandakı vəziyyəti müzakirə ediblər.
Bundan başqa, dörd hökumətlərarası sənəd imzalanıb.
Rusiya prezidentini müşayiət edənlər arasında Xarici işlər, Daxili işlər və Enerji nazirləri ilə yanaşı, Rusiyanın bir sıra regionlarının rəhbərləri, həmçinin «LUKOYL» və «Qazprom» un başçıları da var.
Rusiya prezidenti Dmitri Medvedevin Bakıya səfəri iyulun 4-də başa çatır. Bu, rusiyalı prezidentin Azərbaycana ilk səfəridir.
Medvedev Bakıdan Aşqabada, oradan da Astanaya gedəcək. İyulun 7-də Medvedev yapon adası Xokkaydaya gedəcək, böyük səkkizliyin sammitində iştirak edəcək.
