İraqın baş naziri Nuri Əl-Maliki qohumunun ölümünə görə Amerika əsgərlərinə acıqlanıb. Ötən həftə amerikalı əsgərlər şiə yaraqlılarına qarşı əməliyyat həyata keçiriblər. Kərbəla yaxınlığında keçirilən əməliyyat zamanı baş nazirin bir qohumuna güllə dəyib.
Kərbəlanın qubernatoru amerikalıların razılaşmanı pozduğunu iddia edir. Onun sözlərinə görə əraziyə nəzarət İraq əsgərlərinə verilibmiş. İraqın baş naziri Nuri əl-Maliki Amerika rəsmilərindən izahat istəyir.