Keçid linkləri

2016, 09 Dekabr, Cümə, Bakı vaxtı 06:27

«Azərbaycanın neft yataqları ölkəni yüz il təmin edə biləcək»


Sərginin ümumi ekspozisiya sahəsi keçən illə müqayisədə 12% artıb

Sərginin ümumi ekspozisiya sahəsi keçən illə müqayisədə 12% artıb

«Azərbaycan 2008-ci ildə 50 milyon tondan çox neft hasil edəcək. Gələn il isə bu rəqəmin 60 milyon tondan çox olması gözlənilir». İyunun 3-də Bakıda «Xəzərin nefti və qazı, neft emalı və neft kimyası» sərgisinin açılışında prezident İlham Əliyev belə deyib.


O, həmçinin vurğulayıb ki, Azərbaycanda aşkar edilmiş neft yataqları ölkəni yüz il təmin edə biləcək. Növbəti illərdə qaz hasilatını dünya bazarlarında tələbata uyğun olaraq artıracağıq.


İlham Əliyev neft gəlirlərinin xərclənməsi məsələsinə də toxunub: «Azərbaycan ictimaiyyəti neft gəlirlərinin necə xərclənməsindən narahat deyil, bu haqda məlumat hamı üçün açıqdır».


Bakıda ənənəvi, hər il keçirilən 15-ci «Xəzərin nefti və qazı, neft emalı və neft kimyası» sərgisi və konfransı iyunun 6-na kimi davam edəcək. Bu tədbirin keçirilməsi Azərbaycanın neft və qaz sektorunun inkişafında böyük rol oynayır. Sərginin təşkilatçıları qismində Azərbaycanın Ticarət-sənaye palatası, ITE Group PLC və Iteca Caspian LLC şirkətləri çıxış edirlər. Tədbirə dünyanın 33 ölkəsindən 380-ə yaxın şirkət qatılıb.


Sərginin ümumi ekspozisiya sahəsi keçən illə müqayisədə 12% artıb.


Günün bütün mövzuları

XS
SM
MD
LG